{ قصـــايد أعجبتني }

[الشــــامخه]

لـــيل التجافي
-+-+-+-+-+-+-+;


آآه مـن ليل التجافي ماأطوله
لـيـلة الـعاشق ثـوانيها لـيال

مـن يـقول الـشمس بـاكر مـقبله
كـل شـمسٍ مـالها وجهك ظلال

بـسألك بـاللي خـذى مـنك الـوله
وحطه اف صدري واعطاك الجمال

حـاكني لـجل الـليالي الآوله
آه انـا بـموت مـن ذل الـسوآل

هـو صـحيح انـك حـبيبي اللي دله
واستوى عندك فراقي والوصال

كـل جـرحٍ غـير جـرحك بقبله
وكل ظلم ٍ غير ظلمك لي عدال

البـــــــــــــــدر

[The DiamonD Rose]

أخر اللحظات


ما يفضح اللي حب الا آخر اللحظات
لامد كفه بالوداع وصد بعيونه

معاه رايات الاسى وجيش من العبرات
وبين الحنايا صهيل خيول محزونه

كنه على موعد معك يا هادم اللذات
من شاف ما صابه يقول الله في عونه

سلام ياللي ناوي الفرقى عدد مافات
وتعداد ما مر السحاب وهلت مزونه

سلام من قلب سكنته انت والحسرات
غلاي تكفى يا مودع ناظري صونه

ارحل وأنا برحل معي هم وتعب وسكات
وأسرار ما بيني وين الروح مدفونه

ارحل مادام الله كتب لك يالحبيب شتات
مالي على حكم القدر راي ولا مونه

مالي بعدك الاالصبر ومجاذب الونات
وقصيدي اللي كل خلق الله يغنونه

وان طالت الغيبه ابنعي الحب لو مامات
عسى الهوى يشتعل بك وتردك ظنونه

وباحاول أنسى لو يصيح الشوق بي هيهات
وباحاول اسلى ولو يصيح القلب ما أخونه




أســـير الشـوق

[The DiamonD Rose]

عيونك

عيونك آخر آمالي وليلي اطول من اليم
كيف ألقى كلامٍ عذب يوصف دافي احساسي

عشقتك قبل ما اشوفك وشفتك صرت كلي حلم
ابي رمشك يغطيني وابيك اقرب من انفاسي

يهمك تعرفي انك قتلتي في سنيني الهم
قتلني ضحكك وجدك قتلني لينك القاسي

رميتني الاقدار في دربك وصرتي في عروقي الدم
احبك كثر ماسالت دموع وما نسى ناسي

يجول الحزن في ضلوعي بردت وذاب فيني العظم
و يا كثر الحطب حولي وعندك انكسر فاسي

سألتك بالذي زانك تحبي فيني حتى الظلم
تحبي عيوبي وغدري تحبي المر في كاسي

انا من كثر ما احبك ابيك كثر رمل اليم
وابيك فوق الناس وابي ماينحني راسي

عبد الرحمن بن مساعد

[عاشق الصمت]

سألتك بالذي زانك تحبي فيني حتى الظلم
تحبي عيوبي وغدري تحبي المر في كاسي

يسلمو على النقل الرائع

الوردة الندية

دمتي بود

[الحنين]

قصـــــــــة غرام

الله من دنيا رمتني بحورها
في ديرة وحشة ولا حد يزورها

يا كود من مثلي من الشوق يشتكي
ودموع عينه فوق خده بحورها

فارقت من حبه تمكن بخافقي
خلى هوى روحي وغاية سرورها

وبكيت مما صاب نفسي وهزها
والنفس شوف الولف غصب يثورها

لامن تذكرت اللي مضى لي تنثرت
دمعات حزن فوق خدي حرورها

وهوجست باللي فات ثم عدت قصتي
قصة غرام ضيعتها دهورها

عقب الهوى والمزح والحب والوفا
غصون قلبي ودعتها طيورها

دنيا تقلبني على غير ما اشتهي
والنفس هوجاس المحبة يجورها

مشعل المطيري

[الرحيل]

رحل أشتاق لجراحه..رحل
رحل أشتاق لجراحي..رحل
يحق له طيبتي ماتحتمل
قليلة في وقتي الهموم
ماكنت اعاتب او الوم
يحق له مايحتمل هذا الملل..رحل

اسدلت ايامي لعناده
حبيته في قربه وبعاده
متعبه هذه السعاده..رحل

من علمه يهجر اذا غطي الفرح كل الزوايا
من علمه يغدر اذا صار الوفا نبض وحنايا
من علمه يتلاعب بروحي
من علمه يمشي على جروحي
من علمه يقتل في أيامي الأمل
رحــــل

ياسيدي اقسى مافي اللي بيجي
ماهو العذاب اللي ابتدا
ولا الصبا اللي خذا مني نداي
ولا غروبك عن سماي

اقسى مافي اللي بيجي كل الحكي والاسئلة
متى رحل؟..وليه رحل ..
والأ تعابير الأسى على الوجوه الصامتة
والا العيون الشامتة
والا العذول اللي يقول
اللي حصل ماهو غريب
واللي يقول ماكان يستاهل يكون
أغلى حبيب
ياسيدي اقسى مافي اللي بيجي
اني اقول هذا كل اللي حصل..
رحــــل



عبدالرحمن بن مساعد

[الشــــامخه]

لـــيالي نجــد


ليالي نجد ما مثلـك ليالـي
غلاك اول وزاد الحب غالي

ليالي نجد للمحبوب طيبـي
امانه نور عيني يـا ليالـي

حبيبي ولا ذكرت انه حبيبي
دريت اني حظيظ وزان بالي

على شانه تهاونت المصاعب
اذوق المر لَجل رضاه حالي

وإلى من الزمان اشتد حـره
لقيت بقرب مضنوني ظلالي

عفا الله عنه مما جانـي اول
غسل حبّه جميع الهم تالـي


الشاعر / دايـــــــم السيف

[الحنين]

" نـاس فوق و نــاس تحت "

صعب لامنك فشلـت وصعـب لامنـك لقيـت
إن من يكره نجاحك يـدري انـك مـا نجحـت

امس ضقت ورحت اقلـب ذكرياتـي وانتهيـت
عند صورة طفل صوته مثل صوتي لا انجرحت

وش مثل ؟؟ لا والله إلا هذا أنـا يـوم ابتديـت
انطق حروفٍ تلعثـم فـي لسانـي لا انمدحـت

هذا أنا يوم الحيـاه فـنظرتـي عشريـن بيـت
ومسجدين ومدرسه من طين كم فيها اصطبحـت

هذا أنا .. وأصبحت أتمتم .. (هذا أنا) حتى بغيت
اختنق بس القدر عيّـا علـى موتـي وطحـت

وصاح صوت الطفل فيني انت من وين ارتميت
قلت أنا المستقبل اللي فيه كم همـت وطمحـت

امس كنت أبيك تكبـر بـس والله لـو دريـت
اني اللي عشت لجله مـت عنـدك واسترحـت

لو دريت إن الزمان يجـر رجلـي مـا عديـت
ولو دريت إن البحور بلا موانـي مـا سبحـت

كان دربك لي طويـل وكـل ماشفتـك هويـت
قلت لك كبوة جواد ومـا كبيـت إلا وجمحـت

ليـه تسمعنـي وتمشـي آه ليتـك مامشـيـت
وآه ليتك من كثـر عثـرات الأيـام انتصحـت

ضاعت احلامي وضل الحزن فينـي واهتديـت
للطريق اللي يودينـي علـى دمعـي ورحـت

يالحزن ليتـك مثـل دمعـي وتنـزل لارقيـت
بس أعرفك لو مسحت الدمع تبقى ما انمسحـت

كان حلمي في وجـود إنسـان يبكـي لابكيـت
وصار حلمي في وجود إنسان يفـرح لافرحـت

كنت اشوف الناس مثلي كل ما جعت وضميـت
ما دريت إن الاوادم ناس فـوق ونـاس تحـت

آآآه يا أول ذكرياتي خذنـي فـحضنـك نسيـت
لأسألك عن وجه ابوي اللي معه يامـا سرحـت

خذني فـحضنك ابغفى .. ياااااه مبطي ماغفيت
وان لمحت دموع عيني سو نفسك مـا لمحـت

خذني فـحضنك وبعثر في جروحي وان قضيت
هزلي كتفي وقلي : عيب تبكـي لـو سمحـت

اضحك وعلم زماني من أنا .. ومن وين جيـت
طق باب الحزن واصرخ فـيّ لامنـي فتحـت

وضمني يمك .. وكمل ضحكتك لامـن بكيـت
ودي اذكر كيف كانت ضحكتي لامـن فرحـت

" للشاعر .. فهد المســاعد "

[نور الحياة]

مساء الحب

:: ساير الدجى ::

مساء الخير يا عمري .. مساء فاق كل تصوير

مساء ريحته عطرك .. والازهار و الفالي

مساء الشوق يا عشقي .. مساء الحب والتقدير

مساء الورد ياعطري .. مساء فية امالي

مساء الحب والاشواق .. و التحنان والتوقير

يا اجمل ساكن بقلبي .. مقره فوق بالعالي

مساء شاع بحضورك .. من وجهك بدى التنوير

مساء اشعله ثغرك .. وشعر حام بالعالي

مساء العاطفة والود .. والافراح والتبشير

مساء يسعد ايامك .. وتفرح يا بعد حالي

مساء الخير والكلمة .. والاحرف مع التعبير

واعيشة في وجودك ليل .. وانته دايم قبالي

[The DiamonD Rose]

دليل المحبــــــــــــــــــــة


دليل المحبه شوف عيني عليك تغـار
ولاودي الحاسـد عيونـك يطالعهـا

مع إنك رحلت بعيدلكن بقى التذكـار
لياشافته عينـي تسابـق مدامعهـا

دفنت الغرام بخافقي والقلوب أسرار
مشاعرهقيـت إن الليالـي تضيعهـا

فرحت برجوعك ماطلبت لخطاك اعذار
ونفسي نست ماجرى من تواضعهـا

تهادت مشاعرخاطري لك بلا معيـار
تجاهلتهـا لوكنـت خابـر دوافعهـا

يقولون جنّب درب مالك معه معبـار
يلومون نفسٍ بعدالاحبـاب موجعهـا

يقولونها قبلـي يخـون البحربحّـار
والآمواج لاهاجت خذت ماتبي معهـا

تكاثرت منك الصد وأثرالعلوم كبـار
لقيتك على نفسي تقلّـب مواجعهـا

اقوله وأنا اللي شفت ذاك الغلا ينهار
يشوف الندم رجّال نفسـه يطاوعهـا

مثل ماضرب جّوٍ خلاغـادي محتـار
يدّوج ورجله مادرى ويـن موقعهـا

تعرض سموم القيض والدارمامن دار
هليك وشعربالموت روحـه ينازعهـا

جحدت الغلا لين امتلا بالخفوق وثار
قصايد عساها اليوم تطرق مسامعهـا

غرامك مثل نارٍ حطبها الغـلا النـار
تموت وغلاك اللـي بقلبـي يولعهـا

غلاك بضميري واضحٍ ماعليه غبـار
تشيل الغلا نفسي وأنا عاجز امنعهـا

يقولون ماودعّك : قلت الفراق وصار
والإنسان روحه تنسلب مايودعهـا !

هذيك الليالي ويـن أثرالزمـن دوار
خذاهـا ولاظنـي زمانـي يرجّعهـا

طوتها السنين ولابقالي سوى التذكار
لياشافته عينـي تسابـق مدامعهـا


متعب التركي