اعزائي في الخيمة العربية
سلام الله عليكم
اعلم اننى تأخرت كثيراً عليكم لكنها صروف او ظروف الحياة
لكنكم دائماً بالقلب فقد تعارفنا منذ زمن بعيد جدا وتاريخي معكم يشهد بانه كان زمناً جميلااً
لكم منى كل الود وباقة ورد :
- اكتشــاف
فجأة اصحاب المعالى فِ برج عالى
قرروا بالاتى والجاي م الكلام
راح نطبق الاكتشاف
اللي يقرا كل افكار الخلايق
واحنا قاعدين أو نيام
لجل نعرف
مين بيتكلم علينا
ومين يخاف
ومين واخدله منا ساتر
ولا متغطي بلحاف
حتماً نطبق الاكتشاف
يبدأ البث المباشر من هناك
من اعلى نقطة في المناطق والحدود
كل الحقايق ملكنا
و ما فيش ارادة تهزنا ،
دا احنا اللي مالكين الوجود
وياويله اللي ح نضبطه بفكرة كانت ضدنا
من غير كلام ح يكون مشرف عندنا
ونسمعه صوته اللى كان من حظنا
يا بختنا !!
لازم نطبق الاكتشاف !!
الصورة في الاول غريبة مشوشة
والدنيا لما تتكلم ... تخاف
ملعونة يا كلمة سكات
متغمسة بعرق الضعاف
نبدأ هناك ..
واحد صاحبنا حاله حال
الذبذبات عليت وابتدى الارسال
خمسين سنة عمرى
وما اتغيرت أحوال
الدنيا ماشية وأنا واقف
سنين وطوال
الهم طايل سكتى
وقضيتى ،
انى عشقتها ...موال
يرد صاحب المعالى
ابعت للولا مرسال
شوفه ليه متكدر
بالرغم السن قلبه اخضر
وفجأة تعلى الذبذبات تانى
ويظهر عقل ف ِ الصورة
بيلعن كل اصحاب المعالى صوت وصورة
كلامه هز وجدانى
الغلا طايل سنينا
والحلم اشلاء ع الطريق
وانا كنت باحلم ليها جنة
وعشقتها كالتمر حنة
انا عايز اهرب منها ،،
ديه الي كنت باحبها
انا خدت ايه ؟!!
غير حلم مرمي فِ ارضها
والوحلة طايلة وشها
أنا خدت ايه من حبها ؟!!
يصرخ صاحبنا ابو المعالى
هاتوا الولا بسرعة هاتوه
لازم ما نفهم قصده ايه
ولما ح نخلص...
هنااك يلاه ابعتوه ..!!
الجهاز راح ينفجر
وكأنه عايز ينتحر
من اللي شافه واللي سمعه ف العقول
الناس بتصرخ من سكات
اللي سرق عايز كمان
واللي نهب طالب أمان
واللي اتقهر والغدر طايل سكته
مستنى يوم همه يزول
الجهاز راح ينفجر ،
وابو المعالى لسه عايز يبقى غول ؟!!
اكتشاف ...ومشاركة بعد طول غيبة
النمط الخطي
