مساجلة بالشعر النبطي ( شاركونا )

[hwar]

هبت روايح ريح تبريح

قبل الدجى للصبح ينصاح

والفت شذى من لفحة الريح

أذكت أوشاقتني بلفراح

طير السعد مرن مسانيح

لي بالوصل يشجن بلتراح

ردوا سلامي يا مراويح

على الصبا المطوي لو شاح

ولو بغيت السد ما يبيح

لزم الهوى والحب فضاح

[أوراق الخريف]

حبيـبـي عـلـى الدسـتـور والسـنّـه
فيـاض قلبـي عـلـى طـريـاه ماسـومـه
لا يـــا نـسـايـم هـبـايـب نـجــد مــرنّــه
ردن علـيـه الـسـلام وهـاتــن عـلـومـه

[الشــــامخه]

هذي القصيدة هي قصتي
إلـي فيها الحــــزن عيـــد

عشت الحزن في دنيتـــي
والفرح عن دنيتـي بعيــد

ما أشكي فيها حالتـــــــي
لأن هالشــــكوة ما تفيــد

انكتب فيهــــا قسمتـــــــي
وكل يوم حزني لي يزيـد

الحب ترى هــــو علتــــي
مثــل دمــــي والوريــــد

وتهل من عيني دمعتــــي
والحظ أصبــح لي عنيـد

صارت حياتي هي مماتي
ومالـــي بعــد حبٍ جديـد

إلي سكن قلب وذاتـــــــي
أدعيلـــه يهنـــا سعيــــد

[أوراق الخريف]

درب الرشادوغـايـتـه مـــا وجـدهــا
صبـرت صبـر أيـوب ليـن الصبـر مـل
منـي وماتـت فرحتـي فـي مهدهـا
عطـيـتـه الـفـرصـه وزل الـوعــدزل
وياشين حاجة ما تجي في وعدها

[الشــــامخه]

ارجي السنين المقبله تنصف الحال
عقب السنين الي مضت لي حزينه

مشيت كل دروب الأيام رحال
طال الشقى والبعد طالت سنينه

من جا سالني يالشقى كيف الاحوال
أجامله بالرد واقول زينه ...

[أوراق الخريف]

هديتـك لـي فـوق معنـى الهديّـه
هـديــةٍ فـاحــت بـريـحـة سـمـايـا
قلبـي حضنهـا قبـل تـاصـل يـديّـه
ريـحــة بـخــور طيـبـهـا بالـحـنـايـا

[الشــــامخه]

انت بكف وباقي الخلق في كف
متعليه في وسط قلبي ولك شان

في غير وصلك مالقلبي ترى شفا
محتاج لك يانور عيني وشفقان

[أوراق الخريف]

ملاحظة اختي الشامخة

ان الاف ترفع
والياء هو الحرف المطلوب

ولا يهمك اختي مجرد ملاحظة

[الشــــامخه]

يقولون قاسي قلت قاسي وناسي
ضيعت عمري في رجاه ووصاله

ياأعز ناسي ليش لك قلب قاسي
ياكيف تجمع بين ظلم وعداله

لوقلت ناسي يابعد كل ناسي
ارحم متيم في وصالك شفاته



دمتي بخير اختي اوراق الخريف وشكرا على الملاحظه ،،
تحياتي القلبيه،،

[أوراق الخريف]

هومو وقت اسرار واشعـار واحـلام
واقــول احـبـك وانـتـي الـحـب كـلــه

تــبــدلـــت امــالـــنـــا كــلـــهـــا آلام

وضـاع الطريـق الـي مـن اول نـدلـه
يابنـت انـا مانـي علـى خبـرك العـام

هاتـي بــلادي واخــذي العـمـر كـلـه


تحية طيبة وعطر ياسمين ارسله لك عبر الاثير

اختي الغالية الشامخة
شكرا لك ولمواضيعك المفيدة والشيقة
دامك الله لنا ودمت متالقة
تقبلي احترامي
اختك اوراق عبر الاثير