{ قصـــايد أعجبتني }

[الشــــامخه]

شمس الورق

أنابظهر من سكوتي قبل شمس الورق ما تغيب

قبل حبر الليالي يجف .. وانا ماغنت جروحي

قصيده .. خذتها من طفل .. ما اظنه ابد بيشيب

ولكنه نزح عني .. مثل إحساسي بروحي

ابا اكتب للسماء نجمه.. ابا اكتب للخزامى طيب

واباكتب لين احس القلب لا يكتب ولا يوحي

يموت في قلبي الشاعر ويغتال المشاعر ذيب

ولا ادري افزع للضحكي .. او أحمي صرختي ونوحي

حزينه هالقوافي لا .. ولكن من يعرف الغيب

سعيده هالقوافي .. بــ انتظر لين آخرة بوحي

تعالي نتيع الضي البعيد في عتمة التغريب

ولو مليتي من أجمل قصايد غربتي روحي


************
للشاعر الامير بدر عبدالمحسن

[الوافـــــي]

عين تشربك شوف

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بين فرحة لقاك وهم فرقاك = لاتذكرت جرح ولا نسيتك
حي هالشوف ماتنمل دنياك = شف سواة العيون ليا لقيتك
عين تشربك شوف وعين تظماك = لاذبحني ظماك ولا رويتك
قمت اخيلك هناوهناك .. وهناك = وين ترحل بي النظره نصيتك
ان تبسمت قلت الموعد شفاك = وان تمنعت بانفاسي دعيتك
وان طلبت الغلا قلت الغلا جاك = وان سكنت الخفوق البيت بيتك
وان نثرت القصيد بدرب لاماك = ذاع صيت القصيد وذاع صيتك
يارجا العمر لو حفتك الاشواك = ليتك اول طريق القلب ليتك
ودع البرد كف ضم يمناك = صافح الود قلبي يوم جيتك
حي هالشوف رغم هموم فرقاك = لو تناسيت جرحي مانسيتك[/poem]

الشاعر / مساعد الرشيدي

[الشــــامخه]

إحـساس الغيوم

همـتي تعـلا السحـايب والنجـوم
مـا تنـازل نظـرتي من دونـها

لي طمـوح ولي على وقتـي عـزوم
لـو تحـدّى قلـت لـه يـا هونـها

اشـري الفـرحه ولو غيـري يسـوم
امتـلكـها لـو نـووا يغـلـّونـها

دام قلبـي يمـلك إحسـاس الغيـوم
إن عطـى مـا قـال لا تنـسـونـها

مـا علـي من الليـالـي والخصـوم
وصـورتي لوحـة شعـر يقرونـها

شـامخـه لو مـرّت اسـراب الهمـوم
مـا يـغيـر حـزن وقـتـي لـونـها

لي جنـون وعشـق لو يقسـى رحـوم
مـا بكـت ليـلى علـى مجـنـونـها

صـدقـوا تاريـخ مـا يحكـي كتـوم
كـذبـوا تاريـخ حــب عـيـونـها

مـن يـحـب بيـوم مـا يـرخـص بيـوم
لـذة جـروحـي مـن كـبـر طعـونـها


********
عبير نجد

[المتيم المجهول]

مابين بعينك



[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ما بيـّن بعينـك على كثـر مـا جـاك
لا واحســافـة ليتـنـي مـا عطـيتـك
=
تخطـي وأعـذرك وأتحمـل خـطايـاك
هـويـت غـلطاتـك كثـر مـا هـويتـك
=
ضحيـت بالـدنيـا علـشـان دنـيـاك
خليـت كـل اللــي يبـينـي وجـيتـك
=
كنت بعيـونـي وين مـا أطالـع ألقـاك
حـتى لـو غمـضـت عيـنـي لقـيتـك
=
من كثـر مـا أحبـك وأقـدرك واهـواك
مـا أذكـر انـي فـي حـياتـي عصيتـك
=
ولا فـاد كـل اللـي أســويـه ويـاك
أتعبـت قـلبـي ليـتـك تحـس لـيتـك
=
والحين روح أرجـوك ساعدنـي أنسـاك
لا تـجـي حتـى لــو انــي بغـيتـك
=
وان مـر في بـالـي بقـايـا لـذكـراك
بحـاول أنسـاهـا مثـل مـا نسـيتـك[/poem]

خالد المريخي

[الحنين]

صاحب النظرة الخجولة


ماسألتوا صاحب النظرة الخجولة
كيف يسهرني وله وجهٍ صبوح

كيف يظلمني وله طهر الطفولة
كيف يسكنّي وهو دايم يروح

وكيف أنا ألقى ربيعه في فصوله
دام كذبه صادق وصدقه مزوح

له صفاتٍ توردالعاشق ذهوله
مستكين وصامت وكله جموح

أصعب الأشياء و أكثرها سهولة
أغمض الأشياء وأكثرهاوضوح

سهل تغرم به وصعب انك تنوله
غامض فـ طبعه و واضح في الجروح

أسعدبشوفه ولكن ماأطوله
كنّي الوادي وهو أعلى السفوح

يبتسم لا منهم عنّي حكوا له
ولا حكوا لي عنه أعماقي تنوح

لي بقلبه شي لكن ما يقوله
وله بقلبي كلّ لكنّي أبوح

كنّه الغيمةوانأرجي هطوله
مانزل غيثه ولا برقه يلوح

ماعرفتوا ليه تسهرني فعوله
وليه يسكنّي وهو دايم يروح

هو يبيني بسّ أطباعه خجوله
ومايبي أغفى وهووجهه صبوح

الأمير الشاعر .. عبد الرحمن بن مساعد

[الشــــامخه]

هـــــلا

[poem=font="Times New Roman,5,purple,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
هلا من صادق اشواقي = ياحب عاش باعماقي

هلا ياعمـري اللـي راح = هلا ياعـمـري الـباقي

هلا ياقطعة من جوفي = هلا ياعيوني وشوفي

هلا يا اجمل قصيدة حب = هــلا يـاصادق حـروفــي

قصيدة والغلا فيها = حروف اسمـك معانيها.

قصيـدة ترسـم الصـوره = مـن اولهـا لتالـيهـا

ارحب بك واهليبك = واهلي بلحظه تجيبك

واجمـع كـل كـلام الحـب = لجـل قـدرك وتـوجـيـبـك

اهليبك وانا زعـلان = كـن ذاك الزعـل ماكان

امثـل دور متضايـق = وانا مـن داخلي فـرحان

يافرحة مقدر اخفيها = تنادينـي واناديها

ومـن مثلـك ومـن قبلـك = تزعـلني واراضـيـها

اشوفك داخل احساسي = واحسك اهلي وناسي

ولو غبتي ولـو يوميـن = احـس ان الـزمـن قـاسي

اشوف الدنيا بعيونك = يحفظك ربـي ويصونك

لانـك غايـة امالـي= احـبك لايحـبـونـك

احبك بس انا بروحي = نعم ياعمري وروحي

انا اللي حيـل محتاجـك = لانـك بلـسـم جـروحـي

نعم يا اوضح عناويني = نعم يابهجـة سنيني

نعـم يامـن لـي كلـي = نـعـم يامنـي وفـيـنـي

لانك حبـي السامـي = لانـك بهجـة ايامـي

اعرفـك لا تكلمتي = واشوفـك حتى باحلامي

واعرفك لا تغيرتي = واعرفك لا تكدرتـي

غريـب احسـاس يجمعنـا = يــفــوق الـلـي تـصـورتـي

اشوفك في كتاباتي = واشوفك اجمل ابياتي

واشوفـك فـي دواوينـي = واشوفك في ملفاتي

وبضحكاتي ووناتي = وروحاتـي وجياتـي

ضعيـف حيـل قدامـك = انـا هـذي معاناتـي

غلا من الصعب يتحـول = ويكبـر كـل ماطول

لانـك حبـي الخالـد = لانــك حـبــي الاول

لانه حب شكله غير = محبه ترفض التغير

محبـه كـل يـوم تزيـد= عـلـى وضعــي لـهـا تاثـيـــر

محبه واضحه كالشمس = مهيب سكات ولا بهمس

محبه ماتهاب الناس = مـهـي بـالـيــوم ولا امــس

[/poem]

طــلال السعيد ،،

[حيدر القديمي]

معافى زمانه لايهوجس ولايندم يقضي ليال شباط والقيظ عند امه

[المتيم المجهول]

ياعديـــم الشــوق

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياعــديم الشـــوق بعـدي فيك ما أثـــــر
لـو أغـــيب العــمــر كــل العمر او أكثـــر
دنيتي قربــــك هـــواك كـــان عنوانــــي
خذتني منـــي معاك وقــلــت إنسانـــي
كيف انسى وانت ساكن وسط وجداني
***
مـــايجيك اللي يجيني لا عــبر طيفـــــك
اخــتلف مــا احــس فيني القــاي ناديتك
اقتـــرب منــي تـعـــال رد لي روحــــــي
شوف غرس الحب طال من سبب نوحي
تـــوصل جــذوره جذور الارض بجروحــــي
***
يسألوني الناس وينك وأحبس الدمعه
ليــه مـبـعـد عنــك والأحبـاب مجتمعه
إذبــحـونـي بـالســؤال هــزوا ثبوتــي
صوتهــا هــد الجبال صـرخه سكوتي
إبـتـسـم مــارد أهــون علــي موتــي[/poem]

[نور الحياة]

اهلاً هـــــــــــلا

[poem=font="Traditional Arabic,6,red,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
اهلاً هلا بلي ذكرنـي وجانـي
من بعد هجراني يعيدالمواصيل

يرجع لعنواني بعد مـانسانـي
ذكر مكاني بعد قطع المراسيـل

يأسف ويرجاني وكلـه امانـي
اعيد له ثاني برجوى وتوسيـل

ياكيف يهواني ويذكـر حنانـي
من بعد مقصاني وبصرار بلحيل

قد حبكم فاني وفـات الاوانـي
ماتهيج اشجاني ترى ذكركم ويل

وليوم ياغانـي تغيـر زمانـي
يمكن تراني مثلماء حلم في ليل

نسيتكم ماني بذكـرك معانـي
لاتبكي اعياني ولا دمعي يسيـل [/poem]

للشاعر
حسين بن سوده
(الظبياني)

[غربة الشعر]

يسعد لي صباحك
همس الأحاسيس

اولى مشاركاتي ترحيبي بموضوعك الاكثر من رائع
واولى مشاركاتي في طرحي معكم هذه الابيات
التي لا أعرف من كاتبها
وللأعجاب أحيان احساس يسبق صدور الحرف في همس من بوح المشاعر :

أشوفك ضايق ًصدرك غضب زعلان لك مده
.......على هونك عسى ماني سبب حزنه وضيقاته
دخيلك وش بقى عندك ترى صبري وصل حده
............دخيلك مابقى فيني سوى قلبي ولوعاته
تذكر وش بقى عندك تذكر والخطاء بده
.............تراني مانسيت الامس في جرحه وغلطاته
ترى كلن يشيل من الهموم الجايره قده
.............وانا قلبي صبر شال وتحمل فوق غاياته

اخوكم غربة الشعر