بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته
افادت فنوات فضائية عراقية بوصول رئيس الوزراء نوري المالكي الى البصرة
ليتفقد المشاريع التي انجزها ابان حكمه في البصرة حسب ادعاء الناطق الاعلامي للحكومة
ههههه انجازات
البعير لو شاف حدبته كان انكسرت ركبته
بعد رئيس وزراء وجانا للعراق على الدبابة الامريكية كل شي يسويه تافه
يكولون انجازات حتى لو بس ضحك
بس الشعب العراقي دائما يظلمه و يشوف بالعين السوده
واثناء الزيارة التقى رئيس الوزراء بشيوخ عشائر الجنوب والفرات الاوسط
وشيوخ العشائر معروفة بالحلم والحكمة واهل كلمة واهل نخوة والقيادة
واكيد اللي يرأسهم باجتماع يكون على الاقل مثلهم اذا مواحسن منهم بشوية
والرايح لهم نوري المالكي ماعنده كلمة كم مرة كال انطوني 100يوم واحسن الوضع وماكو فايدة
ولانخوة ولااخو خيتة
اشو النسوان والاطفال بالجملة بالسجون
وكاعد بنص ديوان العشائر اشلون تحملوه مادري
المهم من البصرة والقى رئيس الوزراء كلمة
ولو احنا حفظناها عن ظهر قلب
يطعن بالمظاهرات والمتظاهرين
المهم صرح وكال
(مانسمح بالغاء العملية السياسية ونريد الحفاظ على المكتسبات )
بالله العملية السياسية افتهمناها وعرفناها عديمة اللون والطعم والرائحة
بل عديمة الفائدة اساسا
بس المكتسبات شنو ؟؟
خلي اروح اسال عائلتي
اذا احد وزعنا مكتسبات ومانطوني اهلي شوية منها
سالتهم كالو لا والله ماشفنا احد اجانا وزعنا مكتسبات
احتمال لان جرس بيتنا عاطل ماسمعنا
كلت خلي نذيع بمكبرات الجامع
ضاعت من عدنه مكتسبات اللي يلكاها يجيبها للجامع وله الاجر ومكافاة مجزية
وانتظرت وماكو احد لكاها
وسالت الناس يابه شنو المكتسبات اللي يريد نظام المالكي يحافظ عليها ؟؟؟
و منو استلمها ومنو شافها ؟؟
طلع ماكو واحد بالشعب شافها واستلمها
وحقهم الناس ماشافوها لان دايخين بنفطنا وين صار؟؟
دايخين ليش قنينة الغاز طفر سعرها من اقل نص دولار الى 7.5 دولار
واحنل اهل النفط
كانت باقل من نص دولار واحد اي اقل من نص واحد دولار لاغير
ونار الحرب مشتعله وهذا سعرها ومتوفرة تجينا للبيت ؟؟
ولما دخلت القوات الامريكية وكان على الدبابة رئيس الوزراء نوري المالكي صارت بسبعة ونص دولار ونعمة
المهم موجود الغاز
نفطنا وين صار؟؟؟
خليها سكته يالفته
احنا اللي كان عدنه ماحافظت عليه يارئيس الوزراء
تريد تحافظ على المكتسبات اللي محد شافها ولاعرفها
خليت الشعب مثل البعير يحمل ذهب وياكل عاكول
يامكتسبات يابطيخ
خليها سكته يالفته
اول الحرامية انت يارئيس الوزراء
ماتريد تسمع صوتهم بساحات الاعتصام
وهم يحاسبوك على مكتسباتهم اللي بنوها ب35 سنة وانت ضيعتها يارئيس الوزراء
خليها سكتة يالفته
اول الطائفيين انت يارئيس الوزراء
ماتريد تسمع صوتهم بساحات التحرير يطالبون باهدافهم اللي حكمو بيها العراق
الوحدة والحرية والاشتراكية
عمي مانريد العنب نريد سلتنا
حافظ على مكتسباتك وحدك
وخلينا نرجع مكتسباتنا الي شفناها وعرفناها