أمنيــــات
من يقول الذوق منك ما سرق أجمل صفاته
ومن يقول الورد منك ما سرق لونه وعبيره ؟
يا بخت طفل يبوسك ما حسدت إلا شفاته
والحقيقه ما حسدته كل ما في الأمر غيره
في ليالي البرد آهٍ حظ من صرتي عباته
حظ من صرتي هواه وحظ من صرتي مصيره
شخص مثلي وش يسوي غير يكتب أمنياته
يرسمك في كل صفحه ويحرق الصفحه الأخيره
ويتمنى بس يلقى شخص مثلك في حياته
في زمن ما صرت ألقى شخص فاهم أستشيره
تشبهين الليل يمكن في هدوءه في سكاته
بس فيك من النهار الصدق وأشياء كثيره
تشبهين الطيب .. آسف قصدي أنتي الطيب ذاته
ليت مثلك بس وحده تنلقى في كل ديره
الشاعر ( مجهول ) 
النمط الخطي
