هل أنت فاشل ..؟؟

الوافـــــي · 22-04-2008, 12:39 AM

هل أنت فاشل ؟

ضرب البلطجى باب المقهى برجلة فوقف جميع رواد المقهى خوفا من البلطجى إلاشاب كان يجلس وهو شارد الذهن ينظر الى كوب الشاى الذى امامه
فاتجه اليه البلطجى واخذ كوب الشاى من امام الشاب وشربه مرة واحدة ثم القى الكوب فارغا وقال للشاب ادفع انت بقة ثمن الشاى

بكى الشاب بكاء مريرا

البلطجى:بتعيط عشان خمسين قرش وعامل لى راجل
الشاب:انا بعيط عشان ماليش بخت فى الدنيا دى كل ماروح شغلانه افشل فيها ويطردنى صاحب الشغل
اشتغلت قهوجى وقعت الشاى والطلبات على الزباين اشتغلت مكوجى حرقت هدوم الزباين اشتغلت محاسب فى شركة طلعت شركة نصب والبوليس قفلها
سافرت السعودية طلع العقد مضروب ورجعت ترحيل
رحت العراق حصل الغزو وراحت فلوسى ورجعت ماشى
بصراحة انا انسان فاشل فى كل حاجة اعملها

البلطجى : ياة دا انت فاشل خالص
الشاب : امال لوعرفت اللى حصل الشهر اللى فات كنت رايح شغلانه جديدة فصحيت الصبح متأخر فنزلت بسرعه وركبت عربية جارنا اللى حاططها قدام البيت ورحت الشغل برضة متاخر
فطردنى صاحب الشغل لاستهتارى بمواعيد العمل فخرجت من الشركة فاكتشفت ان حرامى سرق العربيه
فاتهمنى جارنا بسرقة العربيه وقبضوا علية واتسجنت6 شهور ولسه خارج النهاردة
حتى الانتحار فشلت فيه

البلطجى ازاى؟

.

.

.

.

.

.

الشاب : رحت للبقال واشتريت منه اقوى سم قاتل وجيت القهوة وحطيت السم فى الشاى عشان اشربه اموت واخلص من حياتى فجيت انته وشربت الشاى بتاعى اللى فية السم

أدعو للبلطجية بالرحمة ..

salsabeela · 22-04-2008, 12:44 AM

هههههههههههههههههه

ربنا يغفر لنا جميعا

الوافـــــي · 22-04-2008, 12:55 AM

إقتباس:

المشاركة الأصلية بواسطة salsabeela

هههههههههههههههههه

ربنا يغفر لنا جميعا

اللهم آمين

وما أكثر البلطجية بيننا في الحياة العامة أختي الكريمة
البلطجة أنواع واصناف ، وللأسف لم يودها المؤرخون والرواه

لكنها واضحة وضوح عين الشمس في كبد السماء
وكلما نحتاجه هو أن نتجول هنا أو هناك لنراهم

نسأل الله أن يهديهم وأن يردهم إلى سواء السبيل
وشكرا لك مرورك العاطر من هنا