مساجلة بالشعر النبطي ( شاركونا )

[غــيــث]

هذي مقادير تجري, ترمي المخلوق بسهوم *** من عاش لابد مايلقى بها حال (ن) يمله

إن زان وقتك وذعذع لك نسيمه دايم الدوم *** فاغنم ليالي السعد مادام لك سيف (ن) تسله

عبدالله السياري

[The DiamonD Rose]

هــــــــــلا بالحـــــــــرف يلفينـــي ويحملنـــــــــي إلى المــــــــــاضي
إلـــــــــى وقت به الدنيـــــــــــــــا .. بكل السعــــــد مكتظـــــــــــــــة

[الشــــامخه]

هلا باللـي تمنيتـه كثـر مـا زارت طيوفـه.... بتالي الليل لا مني..ذكرتـه بالبكـى والنـوح

هلا باللي نظيري ما شبع في يوم مـن شوفـه.... هلا باللي سكن عشقه ضميري ما طراه يروح

[yosef]

قالت من انت قلت مجموعة انسان ............ من كل ضد وضد تلقين فيني

فيني نهار وليل وافراح واحزان .............. اضحك ودمعي حائر وسط عيني

[غــيــث]

يازمان العجايب وش بقى ماظهـر ****كل ماقلت هانت جد علـمٍ جديـد

ان حكينا ندمنا وان سكتنـا قهـر***بين قلبٍ عطيب وبين راس عنيد

[الوافـــــي]

دام الغلا مع كل شخص له اقياس ... مات الغلا من يوم عني تخليت

[*سهيل*اليماني*]

تقريب ساعة .. عشتها .. بين أياديك
احلى علي .. من باقي العمر .. كله ...

[على رسلك]

هذا زمانٍ مشتبه مثل جيله " = " برده شديد ويشوي الطير حره

سيل الخريف اللي تعدا مسيله " = " ياقل خيراته وياكثر شره

[*سهيل*اليماني*]

هذا محل الضحك واللعب والقرق
وهذا محل المطرحة والعباتي

وانوح نوح منوحتين من الورق
لاشفت بعض ثيابك معلقاتي

تطرق اضلوعي من سبب بعدكم طرق
القلب يضربهن وهن مقفلاتي

عودي علي بسرعه تسبق البرق
عودي ترى الفرقى تهدد حياتي

[على رسلك]

يا منيتي من بيض من سمر زرق . . يارغبتي ياغايتي ياغناتي
امشي من الطايف على وجهة الشرق . . أرجو التوجّه باسرع الطائراتي