لادولة القانون ولاهم يحزنون

[اقبـال]

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته


كان ياماكان قبل عشر سنوات
دخلت القوات الامريكية وحلفائها الى العراق وسقطت النظام الحاكم نظام صدام
وكلكم سامعين بالسالفة
بس نذكركم شويه
عين بوش رئيس الولايات المتحدة الامريكية بربارة مسؤولة امريكية تحكم العراق بعد سقوط صدام
تصور راح يصيرون العراقيين مثل الماي بالصينية مثل مايريد
ولما وصلت بربارة للعراق شافت بغداد متوشحة بسواد والناس بيها تلطم اثناء عاشور
خافت المرة من لطم الشعب وانهزمت
اظطر بوش يجيب الاقوى من بربارة
الجنرال جي كارنر ليحكم العراق لحين تشكيل حكومة
متصور بوش ان العسكري كارنر ممكن يشبه العسكري صدام حسين
وراح تصفى الامور
والعراق موهين حكمه لان شعب متعدد الاعراق والقوميات والاديان
واللي يحكم العراق لابد يعرف انه لكل لحية مكص
يعرف اشلون يتعامل مع متطلبات الشعب بمختلف قومياتهم
يعني الحنكة السياسية والقيادية هي اللي المواصفات المطلوبة بحاكم العراق
مو المهنة والبدلة
وهنا مربط الفرس
فلما سقطت بغداد اندلعت مقاومة عراقية في كافة انحاء العراق وانطلقت بدايتها من بغداد
بالوقت اللي قامت الولايات المتحدة الامريكية بحل الجيش والشرطة والامن وهيئة التصنيع العسكري
اكيد رد الفعل على احتلال بغداد يولد فوضى ومقاومة
لهذا كارنر استقال من وظيفة حاكم مؤقت للعراق وخلال فترة قصيرة من استلامه للحكم
يعني فشل الحاكم العسكري في ادارة البلاد
ثم عين بوش بول بريمر مسؤول مكافحة الارهاب جاب لنا الاشد والاقوى لحكم العراق
واللي يعرف عن بريمر هو الحاكم الامريكي المؤقت للعراق
بس من الرعب يبات بالكويت
هيهات هيهات عينه ضاكت النوم بارض العراق
واذا بقى فهو بالملاجيء والسراديب
من كد دك الصواريخ والهاونات
وبالشفعات سلم الحكم لاتباعهم حكومة المالكي وشرد بريمر
وظل العراق من عشر سنين من يوم سقط نظام صدام لهسه فوضى وبدون دولة
شفت عائلة قبل فترة اشترو بيت من ناس ثانيين
وبعد مااتفقو الطرفين على البيع والشراء تكاتبو
ودفعت العائلة مبلغ 5 ملايين دينار عراقي لاهل البيت
وام البيت اللي باعت ضمت الفلوس بمحفظتها وكالت بعد ماترجع الفلوس
وهذوله الخايبن مكيفين متصورين تباركلهم
وراحت ايام وجتي ايام والناس يماطلون مايريدون يبيعون يتحججون باعذار عجيبة غريبلة
مره ان الورثة ماموجودين
او ماعدهم مستمسكات
المهم بعد مرور اشهرعديدة اظطرت العائلة ان تبطل الشراء منهم
لان طولت المدة وهما محتاجين يشترون بيت
وطالبت بفلسوها ال5 ملايين
والناس اللي باعت ماتقبل ترد فلوسهم
يكولون انتو بطلتو
وقصدو االعائلة باب دولة القانون عسى ولعل تكدر ترجع فلوسها
المحامية طلبت مليون ونصف عراقي كاجور محاماة المعروفة
وكالت الفلوس ال5 ملايين مااكدر ارجعها ولااكو قانون يكدر يرجعها الكم
بس اكدر احجز على البيت
بعدها شافو طريق ثاني غير القاون يكدر يحكم بالعراق اكثر من القانون
وهو الحكم العرفي
طريق العشائر
واتجهو الى مكان يقال
عشائر للايجار
تطلع ويه الشخص اللي يقصدها وتحل المشكله
ليش لا
عشائر والعكال على الراس كول وفعل
المهم العشائر المؤجرة بشرتهم بخير وحقهم ال5 ملايين ترجع
شوفو القانون مايكدر يرجع الفلوس
العشاير تكدر ترجعها
بس بالنص
يعني مليونين ونص للعشاير ومليونيين ونص للعائلة اهل الحق
طلبت
اكثر مماطلب القانون
وبعد الاتفاق والكلام الطويل
ماحست العشاير المؤجرة الاوالليل ارخى سدوله في بغداد
كالو ها
هسه ظلمت الدنيا وخلوها على باكر بالنهار
ليش لان اكو الاقوى من العشاير يحكم العراق بالليل
العصابات والسلابة وقطاع الطرق
وممكن يرجع الخمس ملايين ويحرم الكل منها
يخليها بجيبه
دولة ساقطة لاقانون ولاهم يحزنون


و