العودة   حوار الخيمة العربية > القسم الثقافي > صالون الخيمة الثقافي

« آخـــر الـــمـــشـــاركــــات »
         :: تنزيل العاب كمبيوتر 2020 مجانا (آخر رد :أميرة الثقافة)       :: نقد كتاب العادلين من الولاة (آخر رد :رضا البطاوى)       :: تنزيل العاب و تحميل العاب كمبيوتر حديثة مجانا (آخر رد :أميرة الثقافة)       :: نقد كتاب تنبيه الحذاق على بطلان ما شاع بين الأنام (آخر رد :رضا البطاوى)       :: قراءة فى مقال ثقتي بنفسي كيف أبنيها (آخر رد :رضا البطاوى)       :: نقد كتاب العقل المحض3 (آخر رد :رضا البطاوى)       :: اللي يرش ايران بالمي ترشه بالدم -- والدليل القناصه (آخر رد :اقبـال)       :: The flags of love (آخر رد :عبداللطيف أحمد فؤاد)       :: نقد كتاب العقل المحض2 (آخر رد :رضا البطاوى)       :: نقد كتاب العقل المحض (آخر رد :رضا البطاوى)      

المشاركة في الموضوع
 
خيارات الموضوع بحث في هذا الموضوع طريقة العرض
قديم 18-10-2007, 02:28 AM   #1
السيد عبد الرازق
عضو مميز
 
تاريخ التّسجيل: Apr 2004
الإقامة: القاهرة -- مصر
المشاركات: 3,296
إفتراضي مجموعة قصائد لشعراء مختلفين.

عكس الروح - رجب الصاوي



فيه حاجة نشفت من زمان
وحاجة تانية ورَّقت
كانت حتيجي وعوَّقت
فيه حاجة فيّا معطنة
كانت هنا..
لكنها راحت بعيد
فيه حاجة عايزة تموت وتوحشني
ماعرفشي جاية منين
حاجة تشبه للدموع والبرد
حاجة عكس الروح وعكس الورد
موجودة في عيون الضحايا
فيه حاجة جوايا..
مش لاقي تفسير لوجودها
لكنها موجودة
ومعايا في الأوضة
وباحس بيها في الطرق
وباشمها ف كل الحواري
فيه حاجة وجعاني
لكني مش عارف أقولها لمين؟!
_________
* من ديوان أحلام مقصوفة - صادر عن الهيئة العامة لقصور الثقافة

أضافتها سامية في الساعة 12:34 ص 9 تعليقات

الثلاثاء, نوفمبر 07, 2006
سحور أبو الطيب (حيّوا أهل الشام) - فؤاد حداد



"بما إنو" حنروح نقول شعر فؤاد حداد في لبنان، وَجبت التحية:


حيوا أهل الشام
صابرَه وهشام
كلّهم قد صام
يا ابو زيد الخيل
كلّهم قد نام
تحت هذا الليل
قالوا للأحلام
إن يكن أو كان
فى شجر لبنان
والرقابى اقلام
تكتب الأيام
سبت شغلى وجيت
دق قلبى فى بيت
متّ ما استنّيت
يا تُجَار الزيت
شاعرٍ حدّاد
إن اسمى جهاد
اسمى الاستشهاد
كنت رد بلال
يا ابو زيد هلال
كنت مُهر النور
شبّ فوق السور
لم أزل منصور
عند ستّ بحور
والجنان الحور
حيّوا أهل الله
يا عباد الله
تعرف الإنسان
حطّ قلبى شهود
تعرف الإنسان
لا تَرى مَهواه
لا ترى أدناه
لا ترى أعلاه
فى شحوب النار
والقمر مسروق
جيت أغنّى شروق
لا خَرَج مطرود
قد ثبت فى الدار
هادياً للدار
فى أمم أطوار
كنت فى الأشعار
من حَمَى لى الدار
سيفى من أبطال
يا نقا الإسلام
فى ندى الإسلام
مثل موج البحر
حَيثُ لا تلتام
حيثُ لا تلتام
حيث كلّ ختام
يبتدى من الآن
مثل موج البحر
قولوا للقلقان
دولة الأحلام
تحت هذا الليل
كلّهم قد نام
يا ابو زيد الخيل
كلّهم قد صام
صابِرَه وعصام
حيّوا أهل الشام
يا عباد الله يا أهل الله
وما شاالله
وقد صَلّى
ما تقلقشى
مؤدى الفرض
وهذى الأرض
ما تقلقشى
ندى البُلبُل
ما عنقدشى
مطاطيّه
مطاطيّه
أسَحّركم
مسافِركم
لآخركم
بخاطركم
حيخبركم
بدمعاتى
فى طلعاتى
على المادنه
ورمّضنا
ما غمّضنا
كما يلزم
ولم أُهزَم
تغرّقنى
تعرّقنى
يا أهل الله
عباد الله
من الطَلّه
على الطبله
من الشوفه
ولا خوفَه
بيدّلّى
ولا بيشهَق
وفى الأزرق
و ما جانا
و ميجانا
ولا غيّب
وأثبَتَها
وهادينى
ينادينى
أبو الطيّب
حمى دينى
حمادينِ
طرح بُلبُل
فلسطينى
مثل الموج
جراحاتى
ولا تذبُل
لآهاتى
من الآتى
مثل الموج
ما يقلقشى
ما تقلقشى
وهذى الأرض
مؤدى الفرض
ما تقلقشى
و قد صلّى
و ما شاالله
يا أهل الله
عباد الله


أضافتها سامية في الساعة 2:30 ص 13 تعليقات

الخميس, أغسطس 03, 2006
* منتصبَ القامةِ أمشي - سميح القاسم



منتصبَ القامةِ أمشي
مرفوع الهامة أمشي
في كفي قصفة زيتونٍ
وعلى كتفي نعشي
وأنا أمشي وأنا أمشي....

قلبي قمرٌ أحمر
قلبي بستان
فيه العوسج
فيه الريحان
شفتاي سماءٌ تمطر
نارًا حينًا حبًا أحيان....
في كفي قصفة زيتونٍ
وعلى كتفي نعشي
وأنا أمشي وأنا أمشي....

* غناها مارسيل خليفة








أضافتها سامية في الساعة 2:15 م 16 تعليقات

الأحد, يوليو 30, 2006
إلى أطفال قانا - الدرس انتهى




الدرس انتهى لموا الكراريس
بالدم اللى على ورقهم سـال
فى قصـر الأمم المتــحدة
مسـابقة لرسـوم الأطـفال

ايه رأيك فى البقع الحمـرا
يا ضمير العالم يا عزيزى
دى لطفـلة مصرية وسمرا
كانت من أشـطر تلاميذى
دمها راسم زهرة
راسم رايـة ثورة
راسم وجه مؤامرة
راسم خلق جباره
راسم نـار
راسم عار
ع الصهيونية والاستعمار
والدنيا اللى عليهم صابرة
وساكته على فعل الأباليس
الدرس انتـهى
لموا الكراريس ..

ايه رأى رجـال الفكر الحر
فى الفكرادى المنقوشة بالدم
من طفل فقير مولود فى المر
لكن كان حلو ضحوك الفـم
دم الطـفل الفـلاح
راسم شمس الصباح
راسم شـجرة تفاح
فى جناين الاصلاح
راسم تمساح
بألف جناح
فى دنيا مليانة بالأشبـاح
لكنـها قلـبها مرتــاح
وساكتة على فعل الأباليس
الدرس انتـهى
لموا الكراريس …

ايه رأيك يا شعب يا عربى
ايه رأيك يا شعب الأحـرار
دم الأطـفال جايلك يحـبى
يقول انتـقموا من الأشـرار
ويسيل ع الأوراق
يتهجى الأسـماء
ويطـالب الآبـاء
بالثـأر للأبـناء
ويرسم سيف
يهد الزيـف
ويلمع لمعة شمـس الصيف
فى دنيا فيها النور بقى طيف
وساكتة على فعل الأباليـس
الدرس انتهى لموا الكراريس.

*كتبها صلاح جاهين عندما أغارت الطائرات الحربية الإسرائيلية على مدرسة بحر البقر الابتدائية بمركز الحسينية بمحافظة الشرقية صباح يوم 8 ابريل عام 1970



أضافتها سامية في الساعة 3:59 م 5 تعليقات

الخميس, يوليو 20, 2006
الأمل - لازم يعيش الأمل *



حيكون يوم زي تلاتة وعشرين
من شهر زي يوليه
تموز
حيكون يوم زي الفاتح
من شهر زي نوفمبر
والدنيا كل الدنيا حتكبَّر
في صف واحد من تمام الصلاة
أستغفر الله
في إيدين العدو مسجون
مسرى النبي وجبل الزيتون
حيكون
يوم في التاريخ أكبر من الحرية
أكبر من الحرية

يا دمعة العين ما تخافيش تجري
لابد منك في الحماس الحق
الدنيا صيف والجو مش أخضر
والموت ماهوش في صفحة الوفيات
ولابد من إتنين
الجوع وناكل
العطش ونشرب
الحياة والموت
الهزيمة وننتصر
الصبر
لكن مافيش صبر في الدنيا يقدر
وان كنت عمري ميت سنة
وان كنت ميت ألف لاجئ
مافيش صبر في الدنيا يقدر
يفطمني عن وطني
يا لاجئين طالعين على الضفة
متغربين مستغربين باصين
بعيون طويلة زي نور الشمعة
بوجوه شامية زي والدي صغير
بإدين بطيئة من الطبق للفم
حيكون يوم وحيكون أم للأيام

يوم في التاريخ أكبر من الحرية
أكبر من الحرية والبترول
الدم والبترول
الساعة والزلزال
في كل شبر هلال
بس نمشي
والأرض بالنبض اللي قال بورسعيد
تعرف تقول وتعيد
والأمل وجدوره مليون شهيد
ما يتقلعشي
ويا صبر ليل
في الفجر يدّن

_________

* فؤاد حداد – ديوان بقوة الفلاحين وبقوة العمال – الجزء الثاني من الأعمال الكاملة

أضافتها سامية في الساعة 1:40 م 3 تعليقات

الثلاثاء, مايو 02, 2006
طربوش بيرقص تانجو - أحمد حداد



جيت من عماد الدين لطلعت حرب باتمشى
و الدنيا رايقة
و دخلت جروبى أتعشى
حتة جاتوه..

..أنا نفسى اتوه
يا حمدى بك رضوان
أحب أقول لك التاريخ غلطان
و المجتمع سكران
و انا كمان سكران
و نفسى آخد كريمتك دولّلى بالأحضان
ح تقول لى "يا قليل الأدب"
و تتلهى فى برمة شنب

دوللى يا دوللى
قلبِك طلعلى م الفرانده يقول لى
تعالى نرقص تانجو فى الشارع
مافيش مانع
و بيقول لى
تعالى بَوَّظ قعدة البهوات
نادي و قول "طّظ بابا السقا مات"
يا كوبرى قصر النيل نهارك سعيد
يا ميدان الإسماعيلية نهارك سعيد
يا ريحانى يا زكريا نهاركم سعيد
و طالعة شمسك سعيدة
يا حى مصر الجديدة
الورد الابيض بيضحك من عراوى البدل
وآدى الحكيم اتبَدَل
بحضرة الدكتور
كُنّا فى زمن مفتخر
رُحنا لزمن خنزاؤور
ما حافظناش ع التراث
بقلة طهى ..
والا بعدم اكتراث..

جيت من عماد الدين و باحلم أشتغل بحار
و أشوف أسعد نهار
و دخلت سينما مترو و قابلت جريتا جاربو
و دخلت بيوت كتير
و كلها مفتوحة و تشبه الأساطير

أنا جوه قلبي نسمة رايحة و نسمة جاية .. و مزيكا
لكن قرّب يبوش
أنا قلبى ده طربوش
فجأة صبح قطعة آثار أنتيكة
ما تيجى نرقص تانجو يا دوللى
همست عشان تقول لى
قبل اما تنده بص و استنى
إحنا دلوقتى ملايكة
و بنرقص تانجو فى الجنة

أضافتها سامية في الساعة 4:40 م 9 تعليقات

الثلاثاء, يناير 17, 2006
حزن على الريحة - رجب الصاوي




نفسي أسألك..
بيقولوا فيه أنواع كتير للبكا
كلمني عن صوت البكا المصري
وازاي أعيش عصري
وماكنشي واحد من قديم الأزل
باكره حياتي وطعمها الماسخ
ريحة شباب شايخ
وباقول كلام موزون
ألقى الصدى يرجع كلام دايخ
يرجع كلام ممسوخ قوي وبايخ
وماليش كتير في الحزن
وماليش في كل الحزن
وماليش في حزن المشايخ
لكني باكبر زي كل الناس
والليل بيهرب.. والنهار شارخ

* ديوان عناقيد الشمس - الهيئة المصرية العامة للكتاب

أضافتها سامية في الساعة 4:27 م 8 تعليقات

--------------------------------------------------------------------------------

السيد عبد الرازق غير متصل   الرد مع إقتباس
المشاركة في الموضوع


عدد الأعضاء الذي يتصفحون هذا الموضوع : 1 (0 عضو و 1 ضيف)
 
خيارات الموضوع بحث في هذا الموضوع
بحث في هذا الموضوع:

بحث متقدم
طريقة العرض

قوانين المشاركة
You may not post new threads
You may not post replies
You may not post attachments
You may not edit your posts

BB code is متاح
كود [IMG] متاح
كود HTML غير متاح
الإنتقال السريع

Powered by vBulletin Version 3.7.3
Copyright ©2000 - 2019, Jelsoft Enterprises Ltd.
 
  . : AL TAMAYOZ : .