مساجلة بالشعر النبطي ( شاركونا )

[الــنــدى والـــمــا]

يامن يبيع الصبر يا ناس واشري ...محتاج كل الصبر وأصخي بالاقيام

يامالك أمري وش نواياك بامري...ارحم خفوقٍ عن هوى غيركم صام

حالي غدا مثل المساويك مبـري...يا باريٍ حالي ترى البعد ظـلاّم

خالد الفيصل...

[الجوهــره]

من وين ما يممت وجهي لقيتك
واثرك غديت بعيني
مثلي نظرها
اتذكرك
وانا احسب اني
نسيتك
مثل السفينه
ما لها الا بحرها !!

[الصوت الرخيم]

من بادي الوقت هذا طبع الايام000 عذبات الايام ما تمدي لياليها
حلو الليالي توارى مثل الاحلام000مخطور عني عجاج الوقت يخفيها
اسري مع الهاجس اللي مابعد نام 000واصور الماضي لنفسي واسليها
اخالف العمر اراجع سالف اعوام000 وانوخ ركاب فكري عند داعيها
تدفا على جال ضوه بارد اعظامي000 والما يسوق بمعاليقي ويرويها

[الصوت الرخيم]

من بادي الوقت هذا طبع الايام000 عذبات الايام ما تمدي لياليها
حلو الليالي توارى مثل الاحلام000مخطور عني عجاج الوقت يخفيها
اسري مع الهاجس اللي مابعد نام 000واصور الماضي لنفسي واسليها
اخالف العمر اراجع سالف اعوام000 وانوخ ركاب فكري عند داعيها
تدفا على جال ضوه بارد اعظامي000 والما يسوق بمعاليقي ويرويها

[على رسلك]

اكـــذب اذني في كلام حكي بـــه .. واناقش العـــاقل عن الــهرج لاقيـــل
مدري رفيقي وين دربي يجيبه .. في الخلف والا راح في مقدم الخيل
دنيا بها العاشــق يدور نصيبه ... يالله عسـاها تنتهي يالتســــــاهيـــــــل

[الجوهــره]

لا تستحي قل احبك تعبت اسماعي .. ارجوك لا تستحي يا صاحبي قلها
اطلق احجاجك وخله يرسل الداعي .. فرحة لقانا ترى ما بيك تحرقها

[على رسلك]

الحقيـــقة غدت مثل الخيــــــــال ::: هو عدوي وهو اغلى خليل
شفت انا الظلم من بعض الدلال ::: يجرح القلب لو كانه جـــميل

[الجوهــره]

للضياع أسباب..وأسباب الضياع
الوفا..والحب..والحمل الثقيل

وأن رفع باليم..للمركب شـراع
بشّـر الأحباب..بالليل الطويل

لو عروقي شقر..وعيوني إجياع؟؟
بأستعين الله على الصبر الجميل

استطاع القلب..وإلا ما استطاع
ماله إلا يشيل..من طبعه يشـيل

[على رسلك]

لليل احبك مابقى في السما نور ... والى ضواني الليل للصبح احبك
واللحظة اللي كلها صد وغرور ... اشوف قبري بين عينك وقلبــــك

[الصوت الرخيم]

{..احبك..} كلمه قالها واحد مخطور0000 نسى كل الكلام وما لقى الا كلمه ..احبك
...ناصر القحطاني...