اسئله لا مكان لها لكن نواجهها كل يوم !!!

علي · 15-03-2008, 10:44 PM

اسئلة بايخة يومية لا غنى عنها

حامل سماعة التلفون وعم تبلش تدق بالأرقام، بيجيك عنصر مفاجئة من أهلك وعلى وجه علائم الإستغراب والدهشة: بدك تحكي بالتلفون؟

معزومين ع بيت جماعة، ولما بتدقوا الباب .. بيفتح واحد فهمان وبيقول بدهشة:هه إجيتوا ؟؟؟..لا والله لسه بالطريق شو رأيك
.

لابس أحلى أواعيك ومتعطّر وشايل مفاتيح السيارة وجزدانك وداحل لخارج البيت، بيجي

حدا من أهلك بيسألك، شو رايحلك شي مشوار !!؟؟

لا والله طالع عالأسطوح اعد النجوم !

حاطط راسك ونازل دحي بهالكتب والدراسة، بيجي أبوك أو امك...: عم تدرس

لا والله ...!! عم غير زيت للسيارة

بتطلع بتكسي وبتخرج النقود المطلوبه بدقه وبتعطيها للي
قدامك، وبكل برودة بيقلك: واحد ؟
لا.. شو رأيك بدفع عن صاحبي هايو بالتكسي الي ورانا

بتكون فايت عل بيت ..بتطلع فيك أمك بكل ذكاء بتقلك: شو إجيت!!!!!؟؟؟

بتتصل مع حدا من اصحابك من رقم الشغل و هو حافظه

بيقولك شو بلاقيك بالشغل..وبكون وقت الدوام لسه بأوله ما خلص

بتصحى الصبح و بتكون عم تغسل وجهك بيجي حدا من أهلك و بيقلك شو صحيت؟ - لأ عم امشي بنومي

بيشوفوك عم تحكي عالتلفون و صوتك وصلان لعند الجيران بيئولولك شو عم تحكي - لأ عم غني

بتكون راجع باخر الليل على البيت و اذا بتفتح الباب
ليطلع حدا من اهلك " شو بلاقي رجعت " اه و الله شو بدكم تساوو الرقاصة ما رضيت تنيمني عندها اليوم كمان

بتكون طالع مشوار مع اصحابك و عاطي خبر لاهلك انك بدك تتأخر
بأول المشوار والطلعة بيرن تلفونك و اذ واحد ا من الاهل الاحباب
شو بدك تطول ؟هينا بنستناك
لا والله انا ما رح طول كنت عم اضحك عليكم انو بدي اتاخر اليوم

بتكون صرلك زمان مو شايف واحد بيقلك شو لساتك عايش ؟؟

لا متت

بتكون نايم ودايخ من التعب بيجي حدا من أهلك بيصحيك وهو عم يسـألك .. نايم!!!
لاوالله عم عد خيطان وش المخدة

شو رأيكم بنوع تاني.......باللي بفوت لعندك وأنت بعز نومك .....وبدير باله لتقوم تفيق ها.....بعدين بقرب بفيقك ...بهمس...وبقلك كانو بدن يفيقوك بس ما خليتهم

بيفتحو أهلك الخط وانت فايت دايل أب عالنت....ومبين صوت طنطنة وسامعين الوشة وبكل برادة قلب بيقلولك : شو فاتح النت؟؟

لا والله.....بس عم احكي مع صاحبي بالمريخ والخطوط شوي تعبانة

منقول

الفارس · 15-03-2008, 10:50 PM

أضحك الله سنونك يالحبيب

علي · 15-03-2008, 10:55 PM

إقتباس:

المشاركة الأصلية بواسطة الفارس

أضحك الله سنونك يالحبيب

سعدت بمرورك يالغالي

الوافـــــي · 15-03-2008, 11:45 PM

إقتباس:

المشاركة الأصلية بواسطة Ali4

بتكون صرلك زمان مو شايف واحد بيقلك شو لساتك عايش ؟؟

كأنك تستمع إلي عندما ألقى أحدهم ....

أغلب المواقف تمر علينا بالفعل ، حتى وإن اختلفت اللهجات
شكرا لك أخي علي على الإبتسامة التي زرعتها على الشفاه

علي · 16-03-2008, 12:09 AM

إقتباس:

المشاركة الأصلية بواسطة الوافـــــي

كأنك تستمع إلي عندما ألقى أحدهم ....

أغلب المواقف تمر علينا بالفعل ، حتى وإن اختلفت اللهجات
شكرا لك أخي علي على الإبتسامة التي زرعتها على الشفاه

شرفني مرورك عزيزي
وهي فعلا اسئله تلقائيه نستعملها كلنا

كونزيت · 16-03-2008, 12:17 AM

كلها تهون

بعضها من باب الإلتفات لوجودك وإشعارك بالإهتمام وبعضها من باب الإستغراب من عمل غير مرغوب فيه .

لكن أسوأها على الإطلاق هو من يناديك وأنت نائم ليقول لك : هل أنت نائم ؟!!!