مساجلة بالشعر النبطي ( شاركونا )

[الصوت الرخيم]

اذهلتني عن كل ربعي وناسي000 مادري هذا الحب ولا الجنوني

[أتمنى]

ياعيسى باحي صبري وانباحي ....وان جيت أخمه صيح يبي امه

[الــنــدى والـــمــا]

هب نسناس الهوا لي من شمال .... حامل ريح الخزامي والنفل

من فياضٍ ظبيها يلعب دلال .... لى لمح ظله من النشوه جفل

[مستبشر الساحات]

لاتحسبني يوم باغيب مبسوط :::: لكني قراري بالتوقف خذيته

[الــنــدى والـــمــا]

هو ليه ياعذب اللما تجرح الروح .... يامشعلٍ نار الهوا في فواد

لاتسفه المجروح اللي دعاك اوح .... قهقر خطاك شوي لب المنادي

خليتني يا معذبي دايم النوح .... وجروح قلبي من سهومك جدادي

عودا حميدا اخي المستبشر

[أتمنى]

يا (محيز) أنا بكرتي غضه .... والهجن جاهن خفخافِ


محيز لقب رجل

[الــنــدى والـــمــا]

الأخ

أتمنى محد بداخل في المساجلة النبطيه الا هو بيعرف((محيز))او بيتوقع

لايكون بينا عجم

تفضل خذ

في خيالي دايمٍ طيفه أقعد به واقوم .... الحبيب اللي نحا من ورا خشم اللوا

يا حبيبي عقب لاماك لا يمت الهموم .... وذيب ياسي منك يامجدد احزاني عوى

كن في عيني ليا طالعت غيرك هزوم .... اشعلت فرقاك في خافقي نار الجوى

ماتفيد المشتكي فالهوى فزعات قوم .... لوبعال الصوت يرفع صياحٍ ونخوى

(( عبدالرحمن العطاوي))

[أتمنى]

طيب يالندى والما من هو محيز؟ أتوقع أوراق الخريف .......مهيب أو مهوب يمه

خذو البيت ..............................
ألا ياوجودي وجد من قيل يامرحوم .............توفي لعله عقب دنياه للجنة

[مستبشر الساحات]

التاء .....لآن البيت انتهى بالتاء المربوطة وليست الهاء كما قد يتبادر للذهن
تل قلبي تل قير الســــــــبرماني :::سائقه هندي وعماته نخنــــــــه
يوم تله صــــــار لقزوزه غناني :::كن نجدات الحكومة يطردنـــــــه
باغيات عرس في صـــالة بياني :::صالة عنوانها مــــــــــــــاحددنه
دوج الهندي إلى الساعة ثماني :::وأزعلن وكرت العزيمة قطعنــــه

[الــنــدى والـــمــا]

هوصار لي عوقٍ وانا صرت ثابور .... والكل منا صار شوفه شفاقه

يلعب بقلبي لعبة الغوش بالكور .... ويومي به أومامي العصا بالعلاقه

حبه سمر قلبي على مشه الزور .... سمر الحديد ومبهماتٍ حلاقه

وغديت انا لاحدي ولاابدى ولااثور .... كني خلوجٍ عاقلينه وساقه

حاذور ياالاجواد حاذور حاذور .... نصيحة تلقى على حد فاقه

من لا استشارك لاتباداه بالشور .... ومن لا يودك سعد عينك فراقه