حوار الخيمة العربية

حوار الخيمة العربية (http://hewar.khayma.com:1/index.php)
-   خيمة بـــوح الخــاطـــر (http://hewar.khayma.com:1/forumdisplay.php?f=31)
-   -   مساجلة بالشعر النبطي ( شاركونا ) (http://hewar.khayma.com:1/showthread.php?t=33035)

ياسر الهلالي 18-10-2008 12:19 PM

اهدي سلامي وسيفي ماعرف ضمده
وعصف بخيلي وقلبي ضيف في النادي
جمعت بين الذي ابحرت في خده
لمّا رماني وليّن قسوة اجدادي

الوافـــــي 20-10-2008 01:01 AM

يا اللي جمال الكون فيّ وهو ضيّ ... لو قيل به أجمل يقول البها " لا "
يا ماخذ(ن) من كل شي أحسن الشي ... لو قيل به مثلك أنا قلتى: أبد " لا "

غــيــث 21-10-2008 02:37 AM

أطوي الجديلة في كفوفي .. وهي ليل
ولا من طويت الليل .. صار الجديله

ناديت لك لين إسمعتني المواصيل
واشتقت لك .. كن العمر صار ليله

المخملية 21-10-2008 09:47 AM

هذي هي الدنيا من الحين للحين ^^^ لابد بين الناس تحصل خطيـه

ومن لايقدر غلطة احبابه الحين ^^^ يقرا حروفي ويتعبرهـا هديـه
:rolleyes:

الوافـــــي 23-10-2008 12:41 AM

هلا باللى نوى الغيبه وقفى ماسأل عني
يقول انه بيكلمني واشوفه طول غيااابه

salsabeela 23-10-2008 01:54 AM

هذي جروحي يا حبيبي تناديك *** جرح تطوله لمسة ايديك ينزال

الوافـــــي 25-10-2008 12:55 AM

لا والذي سواك ما اريد سلواك ... ما أخبر بها نفسٍ تمنت قدرها

salsabeela 25-10-2008 01:18 AM

ان تجـد خيـراً فخـذه .. وأطـرح ما لـيس حسـناً
ان بعض القـول فــن .. فـأجعلِ الاصغـــاءَ فنـا

المخملية 30-10-2008 09:38 AM


انا اشهد انك داخل الجوف ما ضعت

وسط الفؤاد وماسكاتك ضلوعي

ابن اليمامة 01-11-2008 04:19 AM

نافق تعيش وجامل الناس تنحب
وبيع الضمير و تشوف كلن يجيلك

هذا هو دستور في وقتنا الصعب
إما تزيل الصدق و إلا يزيلك

صار الصدوق منبوذ في عالم الكذب
و صار الكذوب محبوب يالله دخيلك

ودق 01-11-2008 11:05 PM

إقتباس:

المشاركة الأصلية بواسطة ابن اليمامة (المشاركة 605453)
نافق تعيش وجامل الناس تنحب
وبيع الضمير و تشوف كلن يجيلك

هذا هو دستور في وقتنا الصعب
إما تزيل الصدق و إلا يزيلك

صار الصدوق منبوذ في عالم الكذب
و صار الكذوب محبوب يالله دخيلك

:New6:

تسلم ايديكم كلكم مقتطفات جميلة

الشــــامخه 06-11-2008 11:53 AM



كني يوم الناس للعاشق شـــــهر
لا سلام ولا كتاب ولا وصـــــاة

اتصبر يا معين اللي صبـــــــر
واتحرى غاية القلب ومنــــــاه

في جميع الناس ملكت النظـــر
ما نسا حبي وقلبي ما نســـــاه

التمني والتوجد والسهـــــــر
ظرني والقلب جاه اللي كفـــاه

هل دمعي فوق خدي وانتثـــر
قلبي المجروح وين القـــى دواه




ابن اليمامة 06-11-2008 02:22 PM

هبت هبوب الوسم وابرد به الجو

والقيض قفا وانخفض بالحراره

الوسم شرف وانتشر بالسما النو

والوبل نازل من طهاه ابغزاره

نواً عريض مدلهم ضفا تو

فيه الرعد والبرق يوضي مناره

العنود النبطيه 09-11-2008 04:33 PM



أسري مع الهاجس اللي مابعد نامي ,, وأصور الماضي لنفسي وأسليها

الشــــامخه 09-11-2008 09:41 PM


أناجي غربة الليل وشجوني وأراجع في هوا قلبي قراري
عسى ما تكون خانتني ظنوني أو أنه خاب في الحب أختياري

بكيتك لين ملتني عيوني صبرت وطال صبري وأنتظاري
حرام النوم ما قارب جفوني وأنت للأسف ما أنت بداري

عساهم يذكروني ما نسوني مثل ما ذكرهم في البال طاري
أزعلهم مثل ما زعلوني وأراضيهم بعد رد أعتباري


غــيــث 18-11-2008 09:29 PM

http://www.ss22.net/up//uploads/thum...2944af9bd3.jpg

يا صقر وا هنيك لك جناح تطير
لى طرى لك نزعت و طرت يم الهوا


بين قلبي و بينك فرق والله كبير
لى كفخت انطلقت و لى كفخت التوى


انت حايم و انا بالقاع دوبي أسير
في صحاري زماني ذيب ليلي عوى


فوق جوك سحاب و حدر جوي هجير
القدم فوق رمضا و الخفوق اكتوى


الحذر يا صقر لا يشبكونك أسير
ويل صقر يتله مربطه لى نوى


برقعته الليالي فوق وكر قصير
عقب صفقة جناحه بالهوا لى اهتوى


كل حر إلى ضاق انتهض للمطير
حومته بالسما ساعه لقلبه دوا


وا عذاب الجناح اللي يجره كسير
كلما فز مكسور النواهض هوى



The DiamonD Rose 19-11-2008 12:31 AM

انا لي الله وانته الله يخليك .. تسرح وتمرح وتشوف السعاده

الشــــامخه 20-11-2008 01:55 AM



هو ما ذكر
أن الجفا فيه كسره
للخافق اللي في هوى صاحبه ذاب

يا ما سهر
طرفي على حبس عبره
اردها والوجد للدمع جذاب

دمعٍ حدر
جاله على المنع جسره
عظيم وجدي للدمع شرع الباب

يوم وشهر
عزاه والعمر مره
والناس واجد لكن الولف غلاب


ابن اليمامة 26-11-2008 01:22 AM

انا ما قول بسنينك تهناا ..... انا اقول السنين انت هناها
تباشر بك لياليها وتسعد ...... تحمد الله على خير عطاهااا
اهنى بك حياتى يا قمرهاا .... واهنى بك عيونى يا ضياهاا

ابن اليمامة 29-11-2008 12:40 AM

ارجي السنين المقبله تنصف الحال ... عقب السنين اللي مضت لي حزينه
مشيت كل دروب الايام رحـــــال ... طال الشقا والحزن طالت سنينه
وكل من نشد ويقول وش هي الاحوال ... اجامله بالــــرد واقول زينه
.!!

الشــــامخه 01-12-2008 10:59 AM


هالت هوا حسه من الهول تكبير
الله علا نفسه و الله عطرها

لا جيت اقول بوصفه عن الغير
مانيب وافي ولا نيب من هو خسرها

ما قول غير الله يحفظه عن كل تقصير
راع الحروف اللي بروحه اسرها


همس الأحاسيس 01-12-2008 11:59 PM

الله من هــم بروحي ســـهجها ## بخافى ضميرى فـى كنين الحشا لاج
احـرمن نار تواقــد وهـــجها ## الله خلق دنيا وسـاع فجــجها

الوافـــــي 04-12-2008 01:09 AM

جيت المكان اللي جمعنا وخفيت
وقامت جروحي للجوارح وصاحت

ياليتني في لفة الدرب زليت
كان العيون من الدموع استباحت

ابن اليمامة 04-12-2008 01:34 AM

الدمعة بعيني وانــا اكتب وداعي .. دمعة حزن مع هم وشويه جروح
تجمعن صدفة ولا فيه داعي .. وصارن سبب ضيقة على قلب مجروح
يا وقت ليه تسوقني للضياعي .. هيبة رجل راحت مثل دم مسفوح

ابن اليمــــــــااااااااااااااامة

الشــــامخه 08-12-2008 02:11 AM


حنيتك راحت لوين وشفيك ما تشتاق لي
من بعد كل ذيك السنين بديت تتماده علي

علمني وشسويت لك وش جاك مني وشقلت لك
مو كافي اني مدلك ومقدم عيوني لك هديه


الوافـــــي 12-12-2008 12:47 AM


أخي الحبيب / بن اليمامة

البيت الذي أنهيت به مداخلتي كان منتهيا بحرف ( التاء )
ومن المفترض أن يبدأ البيت الذي كتبته بحرف ( التاء ) أيضا :)

لا بأس سنواصل من الحرف الذي انتهت به الأخت / الشامخه وهو ( الهاء )


هليت دمع العين والدمع مفضوح ... وجازيتني بالصد والهجر وش جاك
مجبور أجر الصوت والآه والنوح ... لأنك معي غالي ولا زلت بهواك


حرف ( الكاف ) :)

الشــــامخه 12-12-2008 06:28 PM


كبـرت والعمـر ماكنـه ابـد يكبـر
.................. طفله سرقني الهوا مـن لـذة رقـادي

انا النسايم وغيـث المـزن لا أمطـر
................. انا البيـاض وبقايـا سيـرة اجـدادي

يحبني الليل كيف العيـن مـا تسهـر
................. لاصار يهدي السكون غياب حسـادي


ابن اليمامة 04-01-2009 08:45 PM

ابشر يا ابو تركي

يا ليت الاماني تنفعك بعض الاحيان
واحلامنـا ياليتهـن يـنفعـنّـا

لاصار ضايق خاطري هم واحزان
والليـل مشـواره بعينـي تثنّـا

ضاع الفرح وايامنا كلها اشجـان
ضاقـت بنـا وادموعنـا يذرفنّـا

الله ياوقـت ٍ مضالـي وفرحـان
يوم الفرح خيّم بقلـب المعنّــــا

الشــــامخه 07-01-2009 07:19 PM


اثر المفارق صعب .. غيمة سواد وليل
أنساك هذا صعب .. لا مابقى بي حيل
يا عيونك الظلما .. مافي الجفا كلمه
ومال الغياب اللسان..



العنود النبطيه 19-01-2009 05:33 PM



ذبحتني يالغضي بسكوت
ما هاذي حـــــال المحبين

العمر ما ينضمن من موت
والقبـــــر ما ياخذ اثنيـــن

غــيــث 19-01-2009 05:56 PM

ناديت خانتني السنين
اللي مضت راحت


ناديت ما كن السنين
اللي مضت راحت



كنا افترقنا البارحه
والبارحه صارت عمر
ليلة ابد عيت تمر

salsabeela 19-01-2009 06:20 PM

راح كل شىء جميل
راح النهار .. وحل الليل

ما راح القلب يتحمل
جراح الود ويكمل

كنا حبايب وأهل
كنا أيادى المهل
كان الفراق ما سهل

ابن اليمامة 23-01-2009 04:39 PM

اللـي علـى لسـانـي وصـلـك وتـعـداك
واللـي فـي صـدري كلمـة ٍ ماتقـالـي

.
أزايـــم الـلـوعـات وأقــــول تــفــداك
يـا كثـر مـا شالـت قـلـوب الرجـالـي

.
الله يساعـدنـي عـلـى طــيّ ذكـــراك
يـا الـلـي تـراودنـي عـلـى ماطـرالـي

.
سويّـت (قرعـه) بيـن وصلـك وفرقـاك
ورست على فرقـاك وألاّ أنـت غالـي

ابن اليمامة 17-02-2009 09:31 PM

ياونتي يامابصدري من الضيق
من ضيقتن لاجت باقصى ضميري

كتمتهافي مغلقات الصناديق
لين انكسر منها الضلع القصيري

ابن اليمامة 12-04-2009 05:40 PM

يا مل قلب من الفرقى يسوقه سعاير
مثل ما ساق وسط النار حامي وقدها

مشتهي جيتك لـو كان بيعي خساير
من حسب بايد الدنيا يبذه عددهـــــــا

يا وجودي على هرجه خفي السراير
وجد خطو العجوز اللي توفى ولدهـــا

كلما حــل له طاري تهل العبــــــــــاير
كلما قيل يا مرحوم تصفق بيدهـــــــا

العنود النبطيه 15-04-2009 09:49 AM


يامل قلب كل ما التـــم الأشفـــــاق
من عام الأول به دواكيك وخفـــوق


يجاهد جنود في سواهيج الأطراق
ويكشف له أسرار كتمها بصنــــدوق


إلا عن له تذكار الأحباب واشتــاق
باله وطاف بخاطره طاري الشــــوق

ريّا 25-06-2009 09:24 PM

أشتقنا لنبضك يالعنود ...........كوني قريبة

ابن اليمامة 28-06-2009 12:47 AM

لو تفيد المدامع كان اسيل نهر
مير كثر التوجع والمدامع مايفيد

اصبر ايام واشهر واتصبر دهر
وانا حصل مناتي جيت لوني بعيد

ارجي الله واراقب كل طالع شهر
يجلي الهم عني او عسى مايزيد

ابن اليمامة 19-08-2009 05:37 PM

يا عين هلي دمع الأوجاع هليه
لا تدخرين دموع الأحزان يا عين

جرح بروحي كلما بان أخفيه
أخاف لا من بان سم الثعابين

أخاف جرح الروح الأيام تبديه
ثمن يصير الجرح بالروح جرحين

أخاف من شخص كثير المشاريه
عدة كلامه مثل روس السكاكين

الذنب من غيري وأنا مكتوي فيه
واللي دروا ما هم بالأسباب دارين

جرحي عطيب ولا لقى من يداويه
مرت عليه أيام وشهور وسنين

إن خف جرحي جددن سواقيه
حطم حشاي وفر وسط الشيانين

ما أنساه لا والله ما ني بناسيه
لا والذي نزل تبارك وياسين

لبيه يا دمع المظاليم لبيه
سيل تحدر والمخاليق منسين

ما هي غريبة صافي الدمع ترضيه
عاده ولكن دمعك اليوم كاوين

قال العذاب اللي مخفيه ما بيه
ما يجمع الهمين غير المجانين

إن زاد همك دمع عينك يطفيه
ولا تفجر وسط صدرك براكين

ياللي حشاه بزود الأحزان مشقيه
ترى المدامع طب جرح المساكين


كل المدامع هلي الدمع هليه
لا تدخرين دموع الأحزان يا عين


اعجبتني فنقلتها لكم

إيناس 16-10-2009 03:55 PM

الله كريم
يهون الجرح الأليم
لا صار ماطاع الزمان
خلك على الدنيا حليم

هونها بالصبر تهون
ماهو غريبة من يخون
صار الوفا في هالزمان
محدٍ اذا قاله يصون

ياما في هالدنيا قلوب
تخدع ولا يمكن تتوب
إن جيتهم انت الحبيب
وان رحت حطو بك عيوب

مدامت الدنيا تدور
خلك على الشدة صبور
اصبر وقول الله كريم
يبدل الحزن بسرور


Powered by vBulletin Version 3.7.3
Copyright ©2000 - 2022, Jelsoft Enterprises Ltd.