حوار الخيمة العربية

حوار الخيمة العربية (http://hewar.khayma.com:1/index.php)
-   خيمة بـــوح الخــاطـــر (http://hewar.khayma.com:1/forumdisplay.php?f=31)
-   -   مساجلة بالشعر النبطي ( شاركونا ) (http://hewar.khayma.com:1/showthread.php?t=33035)

ودق 01-11-2008 11:05 PM

إقتباس:

المشاركة الأصلية بواسطة ابن اليمامة (المشاركة 605453)
نافق تعيش وجامل الناس تنحب
وبيع الضمير و تشوف كلن يجيلك

هذا هو دستور في وقتنا الصعب
إما تزيل الصدق و إلا يزيلك

صار الصدوق منبوذ في عالم الكذب
و صار الكذوب محبوب يالله دخيلك

:New6:

تسلم ايديكم كلكم مقتطفات جميلة

الشــــامخه 06-11-2008 11:53 AM



كني يوم الناس للعاشق شـــــهر
لا سلام ولا كتاب ولا وصـــــاة

اتصبر يا معين اللي صبـــــــر
واتحرى غاية القلب ومنــــــاه

في جميع الناس ملكت النظـــر
ما نسا حبي وقلبي ما نســـــاه

التمني والتوجد والسهـــــــر
ظرني والقلب جاه اللي كفـــاه

هل دمعي فوق خدي وانتثـــر
قلبي المجروح وين القـــى دواه




ابن اليمامة 06-11-2008 02:22 PM

هبت هبوب الوسم وابرد به الجو

والقيض قفا وانخفض بالحراره

الوسم شرف وانتشر بالسما النو

والوبل نازل من طهاه ابغزاره

نواً عريض مدلهم ضفا تو

فيه الرعد والبرق يوضي مناره

العنود النبطيه 09-11-2008 04:33 PM



أسري مع الهاجس اللي مابعد نامي ,, وأصور الماضي لنفسي وأسليها

الشــــامخه 09-11-2008 09:41 PM


أناجي غربة الليل وشجوني وأراجع في هوا قلبي قراري
عسى ما تكون خانتني ظنوني أو أنه خاب في الحب أختياري

بكيتك لين ملتني عيوني صبرت وطال صبري وأنتظاري
حرام النوم ما قارب جفوني وأنت للأسف ما أنت بداري

عساهم يذكروني ما نسوني مثل ما ذكرهم في البال طاري
أزعلهم مثل ما زعلوني وأراضيهم بعد رد أعتباري


غــيــث 18-11-2008 09:29 PM

http://www.ss22.net/up//uploads/thum...2944af9bd3.jpg

يا صقر وا هنيك لك جناح تطير
لى طرى لك نزعت و طرت يم الهوا


بين قلبي و بينك فرق والله كبير
لى كفخت انطلقت و لى كفخت التوى


انت حايم و انا بالقاع دوبي أسير
في صحاري زماني ذيب ليلي عوى


فوق جوك سحاب و حدر جوي هجير
القدم فوق رمضا و الخفوق اكتوى


الحذر يا صقر لا يشبكونك أسير
ويل صقر يتله مربطه لى نوى


برقعته الليالي فوق وكر قصير
عقب صفقة جناحه بالهوا لى اهتوى


كل حر إلى ضاق انتهض للمطير
حومته بالسما ساعه لقلبه دوا


وا عذاب الجناح اللي يجره كسير
كلما فز مكسور النواهض هوى



The DiamonD Rose 19-11-2008 12:31 AM

انا لي الله وانته الله يخليك .. تسرح وتمرح وتشوف السعاده

الشــــامخه 20-11-2008 01:55 AM



هو ما ذكر
أن الجفا فيه كسره
للخافق اللي في هوى صاحبه ذاب

يا ما سهر
طرفي على حبس عبره
اردها والوجد للدمع جذاب

دمعٍ حدر
جاله على المنع جسره
عظيم وجدي للدمع شرع الباب

يوم وشهر
عزاه والعمر مره
والناس واجد لكن الولف غلاب


ابن اليمامة 26-11-2008 01:22 AM

انا ما قول بسنينك تهناا ..... انا اقول السنين انت هناها
تباشر بك لياليها وتسعد ...... تحمد الله على خير عطاهااا
اهنى بك حياتى يا قمرهاا .... واهنى بك عيونى يا ضياهاا

ابن اليمامة 29-11-2008 12:40 AM

ارجي السنين المقبله تنصف الحال ... عقب السنين اللي مضت لي حزينه
مشيت كل دروب الايام رحـــــال ... طال الشقا والحزن طالت سنينه
وكل من نشد ويقول وش هي الاحوال ... اجامله بالــــرد واقول زينه
.!!


Powered by vBulletin Version 3.7.3
Copyright ©2000 - 2021, Jelsoft Enterprises Ltd.