|
هونت مابي حب ليلى و لا أحلام :::: أنا غرامي بأريش العين جذلان |
نسيتي من نسى الدنيا ولاقدر ينساك ....ولو نفرض نسيتيني..شعوري كيف تنسينه
ذكرتي كل شي..إلاحبيبٍ مانسى ذكراك .... ولو فعلاً نسيتي مابقى شيٍ تعرفينه |
هذي سوايا بس ماهي سوايا***هذي عطايا بس وين العطيه ؟ |
هات الدلال وهات باق المعاميل ** نبي ندير الكيف والنار حية :New2: |
هاكم تراها تتعب الناس ياغيث ....وأشوف بعض الناس عنها تحوصي |
صح لسانك:New8: ياكم عسير وشيلته حيل عسرة ** الله يحلل هاينا عند ياكم :New2: |
ماكل بيت يكتبه ذايع الصيت :::::يصير للقراي ريحه يفوحي
|
يا صاحبي نم واترك الليل مزروع *** في مهجتي واترك بقلبي طعوني ولا تكترث لا صاب ذيب السهر جوع *** من عادته لا جاع ياكل عيوني واما كفته العين نرخص له أضلوع *** ومستبشر الساحات من حقه يموني |
يا حبي اللي بين عيني وصدري :: يافرحي الماضي وخوف المقابيل الدم يجري في عروقي وتجري :: انا الصحارى وانت معشوقها السيل |
ليلي قضيته بين ونة وتنهيت .... ياالمستبشر قضت الها من تناهيتي لعاد تجبون حرف الها |
غيث : ( ومستبشر الساحات من حقه يموني ) ..لو شلت حرف ( من )أتوقع يكون أصوب وأقترح إن أحببتم أن نجعل مساجلة للبيوت الإنشائية مستقلة عن هذه ...فهذه تكون للمحفوظ وتلك للمحاولات منها صقل القدرات ومعرفة الكوادر المختبئة في أروقة الخيمة إن وافقتم فلاتسبقوني دعوني صاحب أول بيت في المساجلة الجديدة المنشأة والتي يمنع فيها أي بيت محفوظ كل ما فيها من إنشاء الكاتب أما الياء أيها الندى والما ياحسين بلدان الجماعة مريفة::::::واللي مع الأجناب كنه على نار ابن سجوان الرويس |
رفيق الليل ودمعه ترى بعض الشعورشروق .... ومن يفقد نظر عينه يحسب أن النهار اعمى نوى غيم المطر وصل الثرى لو عاندته بروق .... نوى يروي ورود الحب أمل لو اسماء تضما |
أنــــا ليامني نويت أفتل البيت :::فتلت والشعّار ما ينقضونه بندر بن سرور رحمه الله |
هـذاك خلـك دوم جنبـك بجنبه .... صاحب حليف الطيب والنذل حاربه وابعد عن النمـام والنـذل والردي .... وعن الخبيث اللى خباث(ن)مأربه (( حسين العتيبي)) |
هانت عليك دموعي ورجواي 000 والله عطاك من الجفا مقادير
|
ربعي مروين السيوف المسانين .... خلوا صفا بقعا من الدم سايل واللي ذبحت بشذرة السيف تسعين ... أيضا ولاني عن طردهم بسايل ((عبيدبن الرشيد)) |
لاشك حال الياس دون الرجا فيك :::: مالي عن المكتوب لو ما رضيته
يامن طريقه لي وسهل المساليك :::: أقرب قريب لي وصعب ان بغيته ما شفت عبرة عيني اللي تراعيك:::: هلت على المكتوب ساعة قريته |
هواجس الليل وراد ومصاديري000 شئ يفوق الخيال وشئ اصورها
اثر المخاليق عميان ومباصيري000 ما تبخص الناس لين انك تعاشرها { فايح بن نشار الدبلحي} |
ابن سلمان رقى راس هفافه .... حجل الأيدي تلتوي في مشاذيبه ويتفطن له وليفٍ ولا شافه .... عيت الدنيا والاقدار ترمي به ((علي بن سلمان القريني الغفيلي)) |
هلا باللي تخجلها المزوحي000 اليا قلت ابعدي تقبل عليه
|
هبلت بي واصبحت بالليل اناديك 0000000000ياللي خطرك اسقان كاس المنية
|
هذي جزاتي منه هذي عطايـاه *** ما ظنتي من حب ينسى عشيره ماني بقايل له عسى الله يبلاه *** الله يسهل له دروبـه وسيـره |
السلام عليكم ورحمة الله وبركاته صباحكم أشطه هـجـرك وصــل ومواصلك صار هجران .... سـرقت من لـيلـك معـانـي سكــونه العـاشق الـلي حـمــله حــبك احـزان .... والـله حــرام انـك تحــــرك شجـونـه الفــرق شـاسع بـين سـالـي ولـهــان .... بيـن القـلـــوب القـاسيـه والحــنونـه |
هبت هبوب الجنة ....................وين أنت ياباغيها
|
اذهلتني عن كل ربعي وناسي000 مادري هذا الحب ولا الجنوني
|
ياعيسى باحي صبري وانباحي ....وان جيت أخمه صيح يبي امه
|
هب نسناس الهوا لي من شمال .... حامل ريح الخزامي والنفل من فياضٍ ظبيها يلعب دلال .... لى لمح ظله من النشوه جفل |
لاتحسبني يوم باغيب مبسوط :::: لكني قراري بالتوقف خذيته
|
هو ليه ياعذب اللما تجرح الروح .... يامشعلٍ نار الهوا في فواد
لاتسفه المجروح اللي دعاك اوح .... قهقر خطاك شوي لب المنادي خليتني يا معذبي دايم النوح .... وجروح قلبي من سهومك جدادي عودا حميدا اخي المستبشر |
يا (محيز) أنا بكرتي غضه .... والهجن جاهن خفخافِ محيز لقب رجل |
الأخ
أتمنى محد بداخل في المساجلة النبطيه الا هو بيعرف((محيز))او بيتوقع لايكون بينا عجم:New5: تفضل خذ في خيالي دايمٍ طيفه أقعد به واقوم .... الحبيب اللي نحا من ورا خشم اللوا يا حبيبي عقب لاماك لا يمت الهموم .... وذيب ياسي منك يامجدد احزاني عوى كن في عيني ليا طالعت غيرك هزوم .... اشعلت فرقاك في خافقي نار الجوى ماتفيد المشتكي فالهوى فزعات قوم .... لوبعال الصوت يرفع صياحٍ ونخوى (( عبدالرحمن العطاوي)) |
طيب يالندى والما من هو محيز؟ أتوقع أوراق الخريف .......مهيب أو مهوب يمه
خذو البيت .............................. ألا ياوجودي وجد من قيل يامرحوم .............توفي لعله عقب دنياه للجنة |
التاء .....لآن البيت انتهى بالتاء المربوطة وليست الهاء كما قد يتبادر للذهن تل قلبي تل قير الســــــــبرماني :::سائقه هندي وعماته نخنــــــــه يوم تله صــــــار لقزوزه غناني :::كن نجدات الحكومة يطردنـــــــه باغيات عرس في صـــالة بياني :::صالة عنوانها مــــــــــــــاحددنه دوج الهندي إلى الساعة ثماني :::وأزعلن وكرت العزيمة قطعنــــه http://www.arabform.com/img/img_234_30.gif |
هوصار لي عوقٍ وانا صرت ثابور .... والكل منا صار شوفه شفاقه يلعب بقلبي لعبة الغوش بالكور .... ويومي به أومامي العصا بالعلاقه حبه سمر قلبي على مشه الزور .... سمر الحديد ومبهماتٍ حلاقه وغديت انا لاحدي ولاابدى ولااثور .... كني خلوجٍ عاقلينه وساقه حاذور ياالاجواد حاذور حاذور .... نصيحة تلقى على حد فاقه من لا استشارك لاتباداه بالشور .... ومن لا يودك سعد عينك فراقه |
هي هاجس يسهر عيوني ولا بات 000او خفقه تجمع بقلبي عصيه
او صرخه تمردت فوق الاصوات 000او ونه وسط الضماير خفيه او عبرة تعلقت بين نظرات 0000 او الدموع اللي تسابق هميه ولا نيب ندمان على كل ما فات 000 اخذت من حلو الزمان ورديه هذي حياتي عشتها كيفما جات 000اخذ من ايامي وارد العطيه ....خالد الفيصل..... |
هلت بصافي دمعهاواغرقتني .... كن انطلاق دموعها من غشيني ياليتها كفت ولا ذكرتني .... لذة زمانٍ حيل بينه وبيني وان الليالي الغر ماذوقتني .... هاك الحلا ومرها مقتفيني ايام يا ما بالسعد ونستني .... قلبي على ماضي طربهن حزين ليت السنين اللي مضت وانعشتني .... ترجع ولو مقدار عشرِ السنين ((ناصر الفايز)) الملقب بأبو علي |
لا أدري عن قصيدة الندى والما بدأت القافية بالياء وانتهت بقافية النون ولكني بدأت بالياء ياعل قصرٍ ما يجي له ظلالي :::: ينهد من عالي مبانيه للساس |
سلمولي على اللي سم حالي افراقه .... حسبي الله على اللي حال بيني وبينه |
ساعة قريته شفت ماعفت مرسوم = ردّ النقا تركي وهو منحي(ن) له |
سبحانه مسرع انتقامه اخي المستبشر الظاهر انك كنت نايم لما كتبت البيت نهاية بيتي كانت الها وليست السين شكلك ضاربٍ وادي الهيلسان:New5: هلا بك وردة توك على اول مطلعك جذاب .... تتلين القلوب اللي تمنى شوفتك ساعه عيون الحر الاشقر لا اعتلى في عالي المرقاب .... من سلالة حرار فارق شكله عن انواعه (مسفر اليامي) |
Powered by vBulletin Version 3.7.3
Copyright ©2000 - 2024, Jelsoft Enterprises Ltd.