حوار الخيمة العربية

حوار الخيمة العربية (http://hewar.khayma.com:1/index.php)
-   خيمة بـــوح الخــاطـــر (http://hewar.khayma.com:1/forumdisplay.php?f=31)
-   -   مساجلة بالشعر النبطي ( شاركونا ) (http://hewar.khayma.com:1/showthread.php?t=33035)

مستبشر الساحات 27-02-2006 11:49 AM

حقيقة لم أنتبه ....للهاء فظننتها سيناً ومع ذلك سأصحح الخطأ (وحدة بوحدة والبادي ليس بظالم) فدونك الهاء مني للبيتين كليهما

هذي رسوم البعد ياقلب غـادة:::: يقطعك ياعشق على وقتنا سـاد

الــنــدى والـــمــا 28-02-2006 12:53 AM

دنياك لو تعطي مواثيق وعهود .... بواقةٍ ما يامن العبد حاله

مستبشر الساحات 28-02-2006 01:00 AM

هبت*هبوب*الطيب*يامدور*الطيـب ::::وأنا*مع*أهل*الطيب*هبـت*هبوبـي

أتمنى 28-02-2006 05:31 PM

يامدور الهين ترى الكايد احلى ... ترى عدوك غايته فيك ومناه

الصوت الرخيم 28-02-2006 11:16 PM

هانت الفرقى على اسود القلب000 يا الله ياكافي جحود الايام

مستبشر الساحات 28-02-2006 11:25 PM

ماكل من دش البحر صار غطاس :::::ولاكل من يقنص يحوز اسم صقار

الصوت الرخيم 28-02-2006 11:55 PM

راحت ايامنا والليالي من غير حسبان 000ياالله تهدي قلوب ترجي رضاك

مستبشر الساحات 01-03-2006 12:28 AM

كان الرجال اللي مضوا يصدقوني :::: وحدك ولا خوة مغاريف الانجاس

عبدالهادي2 01-03-2006 01:36 AM

سال الغرام ومزن شوقي تحدر ًًًًًًًً ً ً ً ًً ً ً ً ً ً ً ً رحال لاله لا حبايب ولادار
ارجوك عن فعل الخطا لا تعذر .......... ترى العذر ماينقبل بعض الامرار
لو شفتني واقف هناك اتذكر .......... تراه ما باقي على البال تذكار

غــيــث 01-03-2006 02:47 AM

رسمها رسم نجداللي سقاه الغمام *** ياعرب كن زهر الورد بأوجانها

عقبها العين ماذاقت لذيذ المنام *** من يلوم العيون بشوق خلانها

أتمنى 01-03-2006 06:42 AM

رفيقي اللي حط كفه بكفي= = وليا زهمته قال حاضر ولبيه

على رسلك 01-03-2006 08:46 AM

هل رذراذك على روض الحشا :: :: ربّع بـــقلـب دوام لك شـبــــــاب
كل زهر فـــاح عطره واغتشى:: :: بالرياض وبالنفود وبالهضــــاب
ما نسيتك ياهوى بالي حشـــى:: ::حبــــك بروحي وبالخـفــــاق ذاب
عــادني شوق قديم وانــتــشى :: ::في هوالك مولــع ما عنـك غاب

مستبشر الساحات 01-03-2006 08:52 AM

بيني وبينك ياريش العين ميعاد :::: طال الزمن والوعد طال انتظاره

على رسلك 01-03-2006 01:56 PM

ملاحظة..

صار حرف الهاء حرف عله..وشرايكم يحسب مثل حروف العلة ونفتك منه.


..

عبدالهادي2 01-03-2006 06:09 PM

يعني ناخذ الراء...
رجيت الله يبدلها تغير سيرة الايام ..... .... نعيش بجو غير الجو هذا والبلد باقي
يقولون المساري يختفي فيها حنش والغام ...... وانا ساري بدرب الغانمين وزينه اخلاقي

الصوت الرخيم 01-03-2006 11:32 PM

يا مالك امري وش نواياك بامري000 ارحم خفوق عن هوى غيركم صام
حالي غدا مثل المساويك مبري0000 يا باري حالي ترى البعد ظلام
ادري بحالك وانت بالحال تدري 000 يا الله عسى ذا العام احسن من العام
...خالد الفيصل....

الــنــدى والـــمــا 02-03-2006 12:30 AM


مشاعري مـاعاد تقــــدر تساعــــدك ... لـــوباقـيٍ فـالصــــبر خــفـقه هـــويتك
عـلى طريـــق الـود قـلبـي معاهدك ... لــوكنـت فـي عـز احتياجــي عـطـيتـك
لاتوعـد الـمشـتاق بالوهــم واوعـدك ... لـوكنـت دمعــــــة ناظـري مـابكــــيـتك
مـافي يـدين الحــلم قـوه ويـسعـدك ... اعـرفك يـــاس ورغــــم هـذا رجـــيـتك

(( الامير سعد ال سعود))

غــيــث 02-03-2006 02:50 AM

كلن يغيب وغيبه الكل عادي *** الا غيابك آآه ياكوده إ غياب

ان غبت كن الكون صاير رقادي *** وان جيت ترقص لك محاجير واهداب

الــنــدى والـــمــا 02-03-2006 05:59 PM


بعض تلات الخوافق جايرة .... والذي قد جرب التله عذر

اللتوى قلبي على سرايرة .... والهوى فضاح مكنون البشر

((خالد الفيصل))

الصوت الرخيم 02-03-2006 11:31 PM

رغبوني لين قلبي له هوى 000 وانذروني لين صدقت النذير
خوفوني منه والقلب التوى 000راغب ومعيف والخايف يحير
هو صحيح ان الهوى ماله دوا000خبر اللي جاك عاني يستشير
...خالد الفيصل....

مستبشر الساحات 03-03-2006 09:37 PM

أحتج وبقوة ..على على رسلك ...فقد هربت كما هرب غيرها من الهاء وتابعتموها مع أنها لم تات بشيء إلا حرف المسار .....لازال الحرف القائم
الهــــــــــــــــــــــــاء

على رسلك 03-03-2006 10:12 PM

بما انا في شعر عامي فاسمحلي اخوي المستبشر

اقولك بالعامي ..(الهاء) ..شفتها ..ترها ادبلت كبدي ..كرهت ادخل هنا والسبه هي

اذا بتسلفني بيت بحرف الهاء ..اكون ممتنه كثير..والا غششني ...بدون ما احد يدري .اخاف ليطشونها ما عندي شئ بحرف الهاء ..اعتذر...

على رسلك 03-03-2006 10:54 PM

احم احم تفضلوا وترى محد غششني

هيضتني ياللي تجر الطواريق = ياللي نواميس الشرف من نصيبه

والها للي بعدي ومبروك عليك

الصوت الرخيم 03-03-2006 11:08 PM

هانت يا بنت وش عاد يرضيك000 اخذي غلاي وزود فوقهن قلبي

مستبشر الساحات 03-03-2006 11:26 PM

يامشعل اسمع شايبك يوم يوصيك::::اليوم جاك الدور والعلم ناصيك

الصوت الرخيم 03-03-2006 11:40 PM

كانت لحظات الوفا في وقتك قليله 000واصبحت من عقب فرقاك معدومه

مستبشر الساحات 03-03-2006 11:51 PM

هيضت قلبٍ دالهٍ يابن ريمان :::: وجددت جرحٍ من زمانين باري

الــنــدى والـــمــا 04-03-2006 12:31 AM


يوم زادت بالثرى عثايرة .... حلقت والجو محفوف الخطر

بعض تلات الخوافق جايرة .... والذي قد جرب التله عذر

((خالد الفيصل))

مستبشر الساحات 04-03-2006 09:30 AM

راسي وراسك يا اريش العين مربوط :::: ماينفصل لوجاه ولد الربيعة
ـــــــــــــــــــــــــ
فد لايستوعب بعض الاخوة معنى البيت لكن سأبين لكم فيه كلمة تغني عن الاطناب في الشرح
ولد الربيعة الدكتور الربيعة الذي تخصص بفصل التوأم

الصوت الرخيم 04-03-2006 11:04 PM

هذا ابن الربيعه يقسم ما بين الاتوام000 وانا وحبيبي ما ننفصل لين الممات

الــنــدى والـــمــا 04-03-2006 11:14 PM

تاهت الخطوة على الدرب البعيد .... والمشاعر همها ذاك السؤال

الصوت الرخيم 04-03-2006 11:24 PM

لو اذكر اللي كان دقه وجله0000 ما كان ساعه في حياتي تهنيت
لولاي اسلي خاطري جاه عله000 وارتاح لين ارسلت بعض التناهيت
.... خالد الفيصل....

الــنــدى والـــمــا 05-03-2006 12:06 AM

تسكب الدمعه وتظمي نظرتك ... مشهد النظره وهي تظمي يروع

ياضياع العمر ضيعة بسمتك .... ضاع معها خافقٍ مثلك جزوع

ليت من يمتص جارح لحظتك ... والفرح يشعل دياجيرك شموع

(( خالد الفيصل ))

مستبشر الساحات 05-03-2006 12:09 AM

عفت المنام وعفت نوم المـخده:::: هايم مع الاحلام ليلي ويومـــي

غــيــث 05-03-2006 09:22 AM

ياطيف ياهمسات ياليل يا ضــــي **** ردو على عين قلـيـل هــنـا هـــا

اسهر مع الاشواق مافي يدي شي**** ماغير ذكرى عذبتني مـعـا هـــا

ياثاير العبرات فيني تـغـنــــــي **** من صار مثلي قصته مانسا ها


****
وهي من أبيات وش ملحها اعجبتني وأكيد بتعجبكم وأولها يقول :

الزهره اللي باالحشا جذرها حـي **** راحت سنيني مخلص في رجاها
هم واعدوني يوم يصبح لها فـي **** تصير لي ضلن واعيش بذ راهــا
اول يقولون انتظر واصبر شوي **** واليوم قالو لاتقّرب حـمـا هـــــا
حسبي عليهم جددو فيني الكــــي **** وياحض منهو في حياته لقا هــا
ياطيف ياهمسات ياليل يا ضــــي **** ردو على عين قلـيـل هــنـا هـــا
اسهر مع الاشواق مافي يدي شي **** ماغير ذكرى عذبتني مـعـا هـــا
ياثاير العبرات فيني تـغـنــــــي **** من صار مثلي قصته مانسا ها


(( الألف ))

مستبشر الساحات 05-03-2006 11:12 AM

هلا .. باللي إلى مني لقيته ضاع باهدابي هلا :::: باللي إلى منه لقاني ضعت باهدابه

أتمنى 05-03-2006 05:29 PM

هبت هبوب اهل الهوا والهوا صلف *** وانا هـــواوي والهـــــوا نصـــف دمـــي

الــنــدى والـــمــا 06-03-2006 12:13 AM


حياك الله وجة جديد اخي عبدالله

ترا حرف الها كلنا شاردين عنه

همٍ وغمٍ وخزنٍ وصدود غالين .... واشطون حارت فكرتي في عددها

الصوت الرخيم 06-03-2006 12:18 AM

همت في هوى خل حنون 0000 يضحكني ويبكيني وكن محدن شاف

عبدالله - 06-03-2006 12:20 AM

فايض الشوق يدفعني وانا مستهيم
للجنان الي هوتها القلوب الهاويه


Powered by vBulletin Version 3.7.3
Copyright ©2000 - 2022, Jelsoft Enterprises Ltd.