تل ابيبيين ترامبيين

[عبداللطيف أحمد فؤاد]

تل ابيبيين ترامبيين:-

هو ماسك عليهم ذِلة؟
لا بيعلب بيهم طاولة
و بنى لكل نعجة دولة
بعد العراء و المذلة
و جوّزها لكبش وَحش
اسمه نتنياهو القَش
بكسر عضمه بشاكوش

و انا سكران على الطبلة
و خيباتى تتحمل على سفن
بعد ما اتعبت فى شِولة

و من أول تبريقة و شخطة
يلموا له محاصيل الغلة
مليارات الصفقات
و الوظايف و الدولارات
للأمريكانى خاين الشِلة

و بعد المطار و أول الجَولة
ادوه اللى تحت البلاطة
و الحديدة و مش خلّي
شفط اللحمة و الشوربة
و مصمص قعر الحلة

قلم هدية بمليون دولار و نص
هُس هس و اكتم الحس
عامل ليهم مطار سري جبار
للقاء عذارى بكارى أسرار
عُرسها ليلة و طلاقها بُكره
و المؤخر أول النهار على ف.....
يعنى يا دوب يفض غشاء البكاره
كزواج لكنه أاصل دعارة

و زى الجَمل بيضرب بالقُلة
و لعل و إن و أن و لكن
أنى اللى عملته فى نفسي
لما دخلت حروب كجحشِ
عشان الناس الفلس الفُحش

استُشهد اولادى الشباب
و عاش الأعراب الذنوب
و الخيبة مالية وشي
و نِشف و اصفى كِرشي
و شتمونى و فقرونى و غشونى
و باعوا ارضهم و راحوا واشنطن

وأنا فارس مهما يكون
أنا أعظم من بوتين
و أأصل مِن الصين
و اللى مالهمش مِلة
بكرا حياكلوا جِلة

أيامى الجاية زى الفُلة
بشتغل ليل قبل نهار
و بعتمد على الستار

ححرق تقاوى الكسل
و غلطى كله اتغسل
و حاكل طعميه و عيش و بصل
فى معدتى أحلي من العسل
لأنى بطل بألف بطل
و فقري التاريخى اتقتل
"""""""""""""""""""

عبداللطيف أحمد فؤاد