"تماكت"....................معجزة علمانية 4
ذات يوم من يوم من الايام... و في احد تلك الايام * كان وحد الانسان مربب يعمل باخلاص في مؤسسة مرببه تاع رئاسة الجمهورية و عندو عمال مرببين و راتب اكتر من مربب...
يعني بالمجمل كل شي كان يسير على اتم ترباب.
حتى البغل اللي كان يسكنه كان يتستر عليه بموسطاش و كوستيم و كرافاطا تاع الشيفون (الزي الرسمي لكل البغال و الحمير لتركبوها)
و هاد الشي بقى هكدا يوم ورا يوم..................... حبيبي انا بحلم بيك بعينيك
حتى قررت الاقدار أخيرا ان تحمل على مثل هذا الجمال فتُعمِل فيه من السخرية ما يفضح بعضا من قبحه ;و لسان الحال اذ ذاك "و للمرء عند الفضيحة كربٌ و غصة ٌ ...اذا مرت الايام قرّبن بُعدها.."
في نهاية التسعينات بدأ التحضير للانتخابات التشريعية فدزاير و الخوف لايزال الظل الثاني لكل جزائري (normalement constitué ) حاضر دائما امام عينيه و لا يزول بغروب الشمس.
و كي العاده في الانتخابات l'occasion est à ne pas rater pour khringo de briller de mille feu
le feu de la bêtise
خرينكو كان المسؤول على مصلحة النشر بواسطة الحاسوب PAO بلاما جامي يحط رجلو في مدرسه
لكن الادارة كانت تدير فيه تقة عميا و المصححان اثنين اللي يراقبو القوائم الانتخابيه يسهران على تصحيح و اتلاف اي قائمة يوجد فيها اخطاء مطبعية حتى لا تذهب الى الطباعة بالخطأ
خرينكو كان انسان كما يدل عليه اسمو معمر بالخر... و بالايغو (ego) و هذا كوكتيل (حشاكم) كفيل بان ينفجر في اي مناسبة و حتى بدون مناسبة
و المناسبة هذه المرة انه اراد اظهار وحد zèle فوق طاقه تاعو
الزوالي خاف بزاف على المنصب ديالو من المصحيحين اللي كل واحد فيهم يحمل شهادة جامعية... الور قرر انه يستغنى عليهم و يدير التصحيح وحدو و يرفع تقارير سريه للادارة يقول فيها اننا ناس تاع شرابك و معندهاش روح الوطنيه و المسؤولية
اللي صرا ان الادارة آمنتو و وقفتنا من العمل ... ظلم كبير صح؟
و لتشجيعه شراتلو آخر الطابعات من عند عمي hwelt pacard
; و عمي hp هدا امريكي لسانه اعجمي و لسان خرينكو عربي غير مبين
الور لتم صرات اكبر معجزة علمانيه كنت شاهد عليها و هي ان هاديك الطابعات انتقمت لهاد الظلم اللي صرا و كانت لما ترسل لها نص من الحاسوب تغير الحروف و تطبع الميم نون و الكاف لام.
الزوالي طبع كامل واش بقى من la liste تاع الانتخابات و ارسلها الى الطباعة بملايين النسخ و تم تعبئة الشاحنات المنطلقة الى مختلف الولايات و بدات تتوالى الشكاوي من مختلف اللجان الانتخابيه الولائيه
و تلفون بسيط كان رجال المخابرات يرمسو فيه في سيارة في الليل امام اعين العمال المدهوشين
وصلنا الخير و حنا في مصلحة الصيانة نقضي مدة العقوبه بسببه و لما علمنا السبب نطق صديقي بجملته التاريخيه “ تماكت عليه”
________________________________________________
* زكارة في استاذ اللغة و الادب العربي اللي درسني في المتوسط العطاي قالنا مرة "أي واحد فيكم يزيد يبدا التعبير الكتابي ديالو بعبارة "في يوم من الايام... أو ذات يوم... أو في احد الايام عندو صفر مباشرة "
كان هدا تعدي سافر منه و خطة باش يعطينا صفر لان و لا واحد من الطلبة في ذلك الوقت كان يستطيع يكتب تعبير كتابي بدون ان يبدأ بالعبارة التاريخية " في يوم من الايام و اخواتها"
الور اليوم انا نقولو يدك فالشيخ راني نكتب العبارة كيما نحب و الصفر تاعك عاون بيه صدرك.
__________________
إقتباس:
|
"ولا تزال هذه الضلالة أي:السلاش فاشية بين البدو والفلاحين و بعض المشرفين لذلك ينبغي على المسلم أن يجتنب هذه الأمور، وأن يجتنب السلاش (/) سواء كان من الكتابة أو من غيره، وذلك لعموم نهي العلماء*"
|
سيدي حرازم يطرونس في كتابه "اغاثة اللهفان في بيان مسألة السلاش بالدليل و البرهان"
إقتباس:
"كونوا واقعيين
ولا تكونو مثل العلماء
في البداية مسلم مجاهد ..وبعد فترة قالوا عنه أنه بعثي كافر ..ووقت وفاته ارجعوه مسلم"
|
DR.ali 14/12/2008
|
النمط المتطور