الاخوه والاخوات
اولا السلام عليكم ورحمه الله وبركاته
ثانيا
ارجوا أن تقبلوا ما اقوله بصدر واسع
من اول ما دخلت وسجلت فى منتدى الخيمه من شهور شدنى عن باقى المنتديات
لدرجه انى تقريبا لازم ادخل عليه كل يوم اقرء المواضيع واشارك بمواضيع وارد على رسايل
وكانت الحوارات تعجبنى كتير واحس انها محترمه
المنتدى كله ناس محترمين يتحدثون فى مواضيع هامه وجاده وانا بحس معاهم انى وسط ناس
منهم المتدين الملتزم ومنهم اللى بيكتب مواضيع دمها خفيف ومنهم اللى بيقول نصيحه ومنهم اللى بيتكلم فى السياسه والشعر
منتدى مختلف فيه بنات وشباب ونساء ورجال احسبهم كلهم على خير
وهذا مما جعلنى مداومه على الدخول والتواصل فيه بل واخبر كل اصدقائى فى مختلف المنتديات
وتشجعهم بالدخول فيه واقول لهم بالنص اللى عاوز يدخل منتدى محترم يسجل بالخيمه
انما ها الايام ؟؟؟؟؟؟؟؟؟؟؟؟؟؟؟؟؟
بدأت أشعر بمواضيه سخيفه وكلام صعب قرأته وسب وشتم والفاظ
والناس اللى كان شغلها الشاغل المواضيع المفيده
بدأت ترد على ناس تستفزهم الى مواضيع الفرقه وضرب الصف الواحد
وتمزيق الاخوه
والعنصريه والتميز لك بلد عن الاخرى وبدأوا ينشروا فضائح كل بلد
ونسيوا اننا كلنا مسلمين وديننا واحد واعراضنا واحده
بالله عليكم لصالح مين اللى بيحصل ده
لصالح مين الفرقه والكره والعداوه
هو حرام نكون اخوه متحابين فى الله
والله العظيم انا فى اشد الحزن على اللى بيحصل ده
واسأل الله العظيم
أن يخرج الظالمين من بيننا
ومن ارادنا واراد الاسلام بضر ان يجعل كيده فى نحره
هدانا الله واياكم
واخيرا سامحونى اذا ازعجت احد
اختكم الحزينه (ندى)
فيه حاجه غلط؟ وجو غريب؟
النمط المتطور