ليلي مفيش لآخره نهار
...
لو فضلتي
زي ما انتي
قلبك يداوي جرح الزمان
وإن سهيتي
أو نسيتي
صبرك يخاوي ظلم المكان
قربك أمان
يبعد هوان
وهموم تنادي ع الانسان
تداري ف دمعك
ونجري ف دمِّك
وقلبي دايما يسبح باسمك
ليلي مفيش
لآخره نهار
يمكن أعيش
فطاري..
غداي...
عشاي قرار
ويومي بَقِـيتُه , أصومه ف حضنك
ألبس هدومك
ف عزهدوئك
تلقي كتافي , من القهر جامده
أصعب عليكِ
ألاقي عنيكِ
تدعي لربك , شاكره وحامدة
تغطي بقـيتي
تمدي بقوتي
من كتر جوعي , أكل غداكِ
وانتي سعيدة
عمرك شديده
وكل ولاد ك , يموتوا فداكِ
وربك حاميكِ
وابنك شاريكِ
يا أم الغلابه , ياساكنه قوبنا
دا كل بعوضه
تطلع ف موضه
تطرح كآبه , تفصَّل ذنوبنا
تِزِنْ الذبابه , تفرق شعوبنا
وجاهل بيشْعِرْ
يحاول يبرر
يكتب قصايد , وغيره بيخطف
وست العرايس
تكشف تقايس
تغازل تآنس , من البنك تلهف
تمشي تعاند
الصِّدر فارد
والشَّعرمادد , جناحه يخطَّف
الفقر مارد
يبرَّق وسادد
نفوس الضحايا , وطلَّع لسانه
بياخد جبايه
ومهْرْ الوَلايَهْ
فلوس الحمايه , تكبَّر حصانه
تجوع الغلابه , وكلُّه عشانه
ومش يكفي إنُّه
يغيَّر ف دمه
إن شاء ربك , يعلِّي مراتبك
الله يصونك , الله يناصرك
أشكركم
وللجميع تحياتي
ليلي مفيش لأخره نهار
النمط المتطور