مساجلة بالشعر النبطي ( شاركونا )

[على رسلك]

جهّى مطر دمع السحاب المجاهيم
سود العيون اللي انتثر وبلهنه
رمح الشمال اللي طعن مهجة الغيم
شق السحاب وسالت الشمس منه
ساعة غشاني دمعها كنه الديم
دب الوجل في المهجة المرجهنه
وقمت اتذرى بالصبر والتعازيم
بعضي يبوح الخوف وبعضي يكنه

[الشــــامخه]

هلا باللي انا مدري .. حلم ولا علـم شوفـه ؟ ... هلا باللي وصاله ..بلسم(ن) للخافق المجروح
هلا باللي امان القلب .. قلب(ن) زاد به خوفه ... هلا باللي تخيلته.. خيال(ن) ساكن(ن) بالروح
هلا باللي كفوفي ضمـت الافـراح بكفوفـه ... هلا باللي انا مدري شقول من النوى بالبـوح ؟
هلا باللـي تمنيتـه كثـر مـا زارت طيوفـه ... بتالي الليل لا مني..ذكرتـه بالبكـى والنـوح
هلا باللي نظيري ما شبع في يوم مـن شوفـه ... هلا باللي سكن عشقه ضميري ما طراه يروح !

[على رسلك]

حول سحابي واحسب اني وصلته
وهــبـت هبايبها وشـالت سحابي

حلم(ن) على غفوة زماني حلمته
ليت الزمان اللي غفا ما صحابي

[كونزيت]

ياحاسدي على كثر الشقا لا ماحنيت الراس ... منيب اللي ليا ضاقت علي دنياي تحنيني

سجد عرق الـوفـا في خافقي مع هبـّة النسناس ... شف آثار السجود بخافقي وش أثـّرت فيني

صحيح انـّي صغير السن .. لكنـّي شديد الباس ... جعلت الخـوّة لبيت القصيد اللي مخاويني

تنحنح // أو // تلح لح // أو تنكّر يارهيف الساس ...ترى مانيب ميـّت قبل يومي لو تخليني !!

[على رسلك]

يا مدور الهين ترى الكايد أحلى ... اســـــأل مــغــني كايــــدات الطروقي
الزين غالي لكن الازين اغـــلى .. ولـــكـــل شــــــراي بضاعه وسوقي
الـــنو عالي والسما فوقه أعلى .... لي فاق علم(ن) جاه علم(ن) يفوقي

[اخو عيده]

يا سعد منهو جالس(ن) بين اياديك 0000 ياكل ولا يعرف معنى الفقيده



متهني بشوفة من يفتح النفس طاريه0000 منهو يعاف الزاد وانتي نصيبه!!!!!!!!!!!!!!

[The DiamonD Rose]

هاذي علامات الغلا وانت لمـاح ... مافيـه داعـي بالغـلا تختبرهـا

[ابن اليمامة]

بالامس كني مالك خزنة الروم ***** واليوم بعيوني اشوف الندامة

كني على رمانه الوجه ملطوم ***** من يوم الوقت ثور عسامـــة

[The DiamonD Rose]

أحب الصدق واعمل به كسبت أو كنت أنا الخسران
ولـو صـدقـي يخسّـرني تشـرّفنـي خسـاراتي

[اخو عيده]

ياهل الهوى من يداوي علة الملهود .....
.....يا طول صبري عسى بالمنتهى خيره

راعي الهوى يشتكي حر الظما والكود.....
.....الناس تشرب وهو ميت على بيره