وطن إنسان
ممكن تخليني على صـدرك ارتـاح
واقول كل اللى مضى من همومـي
خليني ابكي و اشتكي كلي اجـراح
مبطي وانا ماقـلت لحدٍ علومـي
الدمع عزي وانكسـر كـل ماطـاح
ماكني الا شيـخ ضاعـت سلومـي
يمكن في قربك سود الأيـام تنـزاح
لنّي تعبت من الزمـن والرخومـي
اذا سألوني قلـت طّيـب ومرتـاح
وانا لبست الحزن لبسة هدومي
امشي وليلي كله همـوم و اشبـاح
والصبح صبرني اواصـل قدومـي
يعني معه و امشيه لا وقت الاصباح
ليلٍٍ هلك مـن وحّشْتـه العزومـي
غريب جيتك اشتكي قـل الافـراح
انتي وطن انسان كـان محرومـي
خليني اشكي من عنا الوقت و ارتاح
وابكي على صدرك و ابيّح همومـي
عبدالناصر العالي