:: ياحليلها ::

[الوافـــــي]

القصيدة إسمها ( الدحيّة )
للشاعر / مطلــق النومسي

يقول فيها ....


يامحلا طاروق الدحــه
لا وافـق لـه صوت وبحـّه
صفين وحاشـي ومصنـّع
وبيوت الشاعر ممليه

متـونِِ تدحـم بعضـها
وقلـوبِِ زايل مرضـها
وأصـوات سبـاعِِ بتـّـاعـة
ميـه ميـه .. ميه ميه

غنـّـاها عمـي مع خـالي
وأنا أغنيهـا لـ عيالي
تاريخ وبصمـة معروفـة
أصليـة من بطن أصليه

لعـبة حرب ولعبة هيبـة
ما فيها حاجة معيبة
لا والله نفخـر لا قلنا
دحيـّه يا أهـل الدحيـّـه

ماهي لعبـة هشـّـك بشـّـك
مصيـونـة عن نيات الشـك
محشومة من حشمـة وايـل
ماهي دبكـاتِِ شاميـه

وأنا طاريـها سـّـلاني
وقمـت أرددها بـ لساني
ولا صحيـت ألا الترفـة
تشبك يـدّيـها بـ يديه

تضحك وتعضـض مبسمهـا
والضحكـة ذابت من فمهـا
قالت لي : تكفـا يا مطلق
أبغـى دحـّـه شماليـه

قلت الغالي يطلب غالي
قومي (حوشـي لي) بـ عقالي
يالله نبدا؟ يالله نبدا
نبدا بداية فعليه

يا بنيـة قومي غنـي لي
يا ويلي منـّـك يا ويلي
وأنا أصفـّـق لك وأغنـي
يا بنيه ميلي يا بنيه

حبيني يا ريحـة جـِـدي
تراني جيتـك متحدي
اللى عن دربي يحدونـك
أهل النيات الملويـه

أبا تفنـّـن بأوصـافك
لأجل يشوفك .. من لاشـافك
وصفِِ حي .. وتمشي روحـه
من روح الشعر وراعيـّـه

مان بـ وصـف عيونك باحل
عينـك بحـر .. ورمشـك ساحـل
لا بحـّرتي بي واغضيتي
تركبني مية جنيه

وخدودك بيض ومفروشة
من ورد الجوري مرشوشة
أفتـح من حـب الرمانة
وأغمـق من شمس العصريـه

وشفاتك لمــّـة حبايب
كانت فرقاهم غصايب
الفوقيــّـة فيها معاند
والطاعـة عند الحدريـّـه

وحجاجك مبـري ومقـوّس
ورموشك لـ رضاه تهـوّس
وإن طار وكسـّـر جبينـك
أغديت الحسنة بالسيه

واللى على متنك دايم
دمـّـه (مي) وقلبه (نايم) ؟
متشيـّخ والشيخة جاته
لا ورث ولاهي عـاريـّه

وإن جيتي تمشين ..وعجلـه
وعيونك بـ عيوني ..خجلة
والقذلـة تضحك للغـربي
والغربي يضحك عليه

كـن القاع تعـدّ خطاتك
وإلا تحلف لك بـ حياتك
شـيِِ ماقالو لي عنـّـه
شوفـة ذي .. وشوفة ذيـّـه

شفــّـافة ذوق.. ولبـّـيسه
لبسك ملبوس .. برنسيسه
وإن تلثمتي بالشيلة
كنـّك من أهل الشرقيه

يقلدونك خواتك
حتى في لبست عباتك
لكن قولي لي من يجمـع
بين الشمس وبين الفيه

يوم الله خلقكم فـرّق
ما غـرّب بالزين وشــرّق
خصــّـه فيك .. وعمـّـه فيهم
سبحانه جزل العطيـه

والحيـن أبغـى رايك فيها
مـن أولهـا لا تـاليها
عساني مرضي غرورك
يا ام العيون السحريـه

قالت : تعرف رأيي مبطـي
لا تخطـي ..تكفـا لا تخطي
ما ذوّبنـي غيراشعارك
فديت الشعـر وراعيـّه

أنا ضحيـة قصيدك
لكـن لي شرط .. بـ جديدك
أبغـي من اليوم وطـالع
تلعب دحـة شماليه

بالمناسبة : شاهدت المقطع أكثر من عشر مرات
ربي يحفظها لوالديها ...
وشكرا لك أخي الكريم على الإبتسامة التي زرعتها على الشفاه