بسم الله الرحمن الرحيم
الأوله آآآآآه...والتانيه آآآآآه...والتالته آآآآآه ...
الأوله آه ...عايش كأنى غريب فى بلادى
بعلو حسى عمال بأزعق وبنادى
أنا ابنك يا مصر ولا أنا من الأعادى
والتانيه آه ...لما عدوى يكون جارى
وشه فى وشى وبياكل فى طبقى ليلى ونهارى
وفجأة يغدر يخون ...يخرجنى من دارى
والتالته آه...طبعك غدار وخاين يا زمانى
لما تضحك يوم ببقى خايف من التانى
لأنجرح فيه ...وتبقى الجراح سكنانى
الأوله ...غريب بس بحبك يا بلدى
والتانيه ...يا جارى ده انت فى غلاوة ولدى
والتالته ...جرح الزمان والله لأداويه بيدى