يالريح هبيّ..في ثيابي ، وجب لـي
ياصاحبي قنديل ..والنور موصـول
المـزن هتّانـي .. وعدّهـا وبلـي
مرسولها لامال ليّـن .. وعطبـول
هي مرّهـ.. تمرّ المحبـة بمثلـي
والصدق أنا .. كانك تجمّل يامجمول
كان الذهب خاينك وش ذنبه أصلي؟
واقدام رجلي ما تشرف به حجـول
ماني مسامح لجـل قلبـي ولجلـي
ولا في لساني لك من الشعر معسول
والعاشقين اللـي سواتـي وشكلـي
ف قلوبهم ماتعلم النـاس مجهـول
والبرد ف كتوف المدينة تـرك لـي
شال وعباة .. ودق لفراقـك طبـول
والصاحب اللي في دموعه ضحك لي
طيفه يعرّض في رقادي على طـول
يهنـاه جرحـي وان تمنيـت قتلـي
يمدّ لي حبـلٍ مـن الـود مشغـول
لابان لي ف زحـام قلبـي وعقلـي
وش ودي اخلي .. على شان ماقول
أقول:ياكـثـر المحبـيـن قبـلـي
ولانيب حاسبهم .. ولاهو بمسـؤول
النمط المتطور